Tổng Ƀí thư ồng Tô Lâm đơs nền Việt Nam sền dờng màng lơgar Singapore ờ mìng dùl hìu bal Asean lơm mờ gam là dùl lơgar lơh broă bal tờm ngan, lòt bal tàm ală broă lơh bơtàu tơngguh mờ mŭt gơrờm bal mờ ală lơgar bơh Việt Nam dê. Yờ tơngguh ală tơngume kwơmàng mờ 2 đah neh lơh geh tàm ală dơ̆ tơm bơh bơr mờ ală kwang đơng lam bồ lơgar Singapore tàm dơ̆ lòt còp ngan ngồn lơgar Singapore kung bè broă 2 đah pơn jăt tai kĭ tai uă jơnau ring bal lơh broă bal rơ̆p pa mìng 2 poh tơnơ̆ dơ̆ lòt còp, Tổng Ƀí thư sồr 2 đah gờñ pơn jăt tai lơh jăt ngan ngồn gĭt gơ̆p Lơh broă bal Jŏ jòng Tơl làm đah 2 lơgar bơh broă kĭ hơ Broă lơh Lơh broă lam lơh gĭt gơ̆p Lơh broă bal Jŏ jòng Tơl làm tơngai bơh nam 2025- 2030.

Bàr nă kwang đơng lam bồ ring bal lơh jrô ơnàng rlau tai gĭt gơ̆p đah 2 đảng ăt gơnoar, gàr sùm lơh broă bal bơto bơtê kwang bàng dờng màng, kơlôi sơnơng lơh broă cribơyai sùm nàng kờñ tơngguh uă gĭt wă bal mờ gơ̆p, tam pà bal mờng chài bơtàu tơngguh dà lơgar, lơh gơlik bơnàng jă gĭt gơ̆p 2 gah tàm tơnơ̆ do.