Jơnau yal tàm dơ̆ pơrjum pà gŏ bơta git gơ̆p chính trị đah bàr lơgar pơn jăt tai geh gơguh; ală jơnau ring bal kấp dờng geh lơh niam, tàm tŭ lơh broă bal sền gàr dà lơgar, lơngăp lơngai pơn jăt tai là bơta tờm kwơ màng. Ală bộ, gah lơh broă dà lơgar, ală càr, ƀòn dờng bal mờ mpồl lơh sa kă bro bàr lơgar neh cri bơyai uă gùng dà broă lơh nàng tơnguh uă cồng nha lơh broă bal tàm tơngai bơh nam 2026 tus 2035.

Phó Thủ tướng Duh broă sùm Chính phủ sồr ală anih lơh broă gơrềng bal lơh pràn lơh jăt ală kơrnoăt hơ bal, broă rơndăp lơh broă bal neh geh kĭ; jal mhar kơlôi sơnơng, yal ală rơndăp broă bơcri priă dờng bơh mpồl lơh sa kă bro lơgar Việt Nam tàm lơgar Lào tàm gah jòi lơh phan kwơ tàm tiah ù, lơh sa suơn sre mờ tam phan jŏ tơngai. Mờ lơh mhar broă lơh ală rơndăp broă tơrbŏ bal phan bơna tờm bè gùng rơndeh lòt mhar Hà Nội mờ Vientiane bal mờ gơl gùng rơndeh ồs Vũng Áng –Vientiane.