Tơrgùm ală mpồl kơphe Buôn Ma Thuột bơyai lơh dar tơn jơh ing dơ̆ pơrlòng Kơphe bơkah Việt Nam nam 2025
Thứ ba, 13:36, 22/04/2025
Cau mblàng Ndong Brawl/VOV Tây Nguyên
Cau mblàng Ndong Brawl/VOV Tây Nguyên
VOV4.K'Ho- Tàm ƀòn dờng Buôn Ma Thuột, càr Dăk Lăk gam bơyai lơh dar tơn jơh ing dơ̆ pơrlòng Kơphe bơkah Việt Nam nam 2025 – Vietnam Amazing Cup 2025 geh Tơrgùm ală mpồl kơphe Buôn Ma Thuột bơyai lơh.
Tus bal dar pơrlòng lài geh 97 bơta kơphe Robusta mờ 49 bơta kơphe Arabica, bơh ală tiah tam kơphe pơnrơ ngan bè càr Dăk Lăk, Lâm Đồng, Gia Lai, Dăk Nông, Kon Tum, Quảng Trị mờ Sơn La…
Do là ală bơta kơphe pơnrơ ngan geh rơwah nền nòn, ai tơngŏ broă lơh ngan jơh nùs bơh cau tam mờ mpồl tus pơrlòng tàm gùt lơgar dê. Tàm tơngai bơh ngai 20 tus ngai 23 nhai 4, Mpồl ai khà pơrlòng rơ̆p bơyai lơh sền, ai khà ală bơta phan kơphe. Broă sền nàng git, ai khà rơ̆p lơh jăt nền nòn ală khà bơh ală lơgar dê, bơh sền nàng git lài, coh bŏ, hùc tơrlòng, dờp jơnau geh ai tus bơsong cồng nha.
Viết bình luận