Củ tịc Quôk hội đơs là, tŭ do làng bol, cau tĕ khà gam kơ̆p gơn ngan broă lơh jat tơrmù di pal mpồl lơh broă, lơh broă pràn jak, gơtùi lơh broă mờ lơh broă geh cồng nha. Tài bơh tơngai pa do, Đảng, Dà lơgar neh ai lơh jat uă Jơnau lơh nền tàm pơrjum nàng tơrmù di pal mpồl lơh broă, ală cau lơh broă. Mơya ngan ngồn, broă tơrmù gam cèng bơta ờ hềt ngan ngồn, gơ lam tus mpồl lơh broă gam kal ke, cau lơh broă sa priă nhai gơguh uă.

Dơ̆ do, broă lơh jat tơrmù di pal mpồl lơh broă jat nùs nhơm Jơnau lơh nền tàm pơrjum sồ 18 dê là gùng dà broă lơh di mờ nùs nhơm làng bol. Jơnau kờñ Đảng dê di mờ nùs nhơm làng bol. Kờñ lơh jat ală tơngume do den tơngai dơ̆ 2 kal ke ngan. Kal ke là pal tam gơl niam Sơnoa boh lam. Củ tịc Quôk hội đơs sùm, broă tam gơl Sơnoa boh lam, lơh sir kơrnoat boh lam atboh lam mờ ală jơnau cih dê pal lòt lài dùl cơn đoà, nàng lơh geh broă lơh adat boh lam kơ̆ kơl jăp ai broă lam lơh jat in.