Tơnơ̆ dơ̆ wă rò yŭ rơyùm ngan tàm Hìu lơh broă Chính phủ, bàr Thủ tướng neh lam lơh pơrjum bơyai mờ đơs nền wơl bơta lơh ngan pơn jat tai bơt bơtàu bơta git gơp lơh bơyô dờng màng, tam klac bal is ồn, lơh broă bal tơl làm mờ pơgồp bal jŏ jòng đah Việt Nam mờ Lào.

Bàr gah đơs niam ală cồng nha lơh broă bal tàm tơngai lài, mờ kung ring bal gàr sùm cồng nha ală mpồl lơh broă bal, lam lơh jat jơh nùs ală jơnau ring bal kâp dờng mờ Jơnau kĭ hơ lơh broă bal 2 gah tơngai bơh nam 2026 tus nam 2030. Bè lơh sa, bàr lơgar ring bal chồl tơnguh tàm tơrbŏ bal phan bơna gùng lòt, logistics mờ kă bro phan jat gùng dà tam gơl pràn bơh lơh broă bal lơh bơyô gơ gơs lơh bơyô geh cồng nha, bal mờ gơp bơtàu tơnguh; ai lơh lài ală rơndap broă lơh dờng bè gùng rơndeh lòt mhar Hà Nội - Viêng Chăn, gùng rơndeh ồs Vũng Ánh - Viêng Chăn, pơgồp bơnah sơlơ tàm tơrbŏ bal tiah do.