Thủ tướng đơs là, tàm bơta tàm dunia mờ tàm tiah do geh uă tam gơl, bàr lơgar pal pơn jăt tai tơnguh nùs nhơm pin dờn chính trị, rề ơnàng lơh broă bal mùl màl, geh cồng nha, geh kwơ bal. Tàm hơ̆, lơh broă bal đah ală càr, ƀòn dờng geh gơnoar kwơ màng, pơgồp bal tàm broă tơnguh broă tơrbŏ bal, lơh pràn broă tìp bal làng bol mờ ai geh bơta niam lơh broă bal ai mpồl lơh sa kă bro in.

Anih cribơyai nam do tơrgùm cri bơyai ală gah broă bàr gah geh uă bơta pràn bè bơtàu tơnguh bơta pràn lơh broă, cau lơh broă, lơh sơnơm, niam chài mờ lòt nhơl. Do kung là dơ̆ nàng ală càr, ƀòn dờng lơgar Việt Nam mờ lơgar Nhật Bản tam pà tơn broă lơh mờng chài, jòi geh dơ̆ niam lơh broă bal pa. Ồng Lê Minh Hưng, Thủ tướng Chính phủ đơs nền, lơgar Việt Nam sền lơgar Nhật Bản là lơgar tam klăc bal kwơ màng, kơ̆p kờñ bal mờ lơgar Nhận bản ai bơta git gơ̆p lơh broă bal ngai sơlơ nền nòn, cèng geh bơta kwơ mùl màl ai làng bol mờ mpồl lơh sa kă bro bàr lơgar in.