Pơrlòng sră ƀăo càr Dăk Lăk dơ̆ do geh 115 jơnau cih gơwèt 5 bơta sră ƀăo lip, ƀăo điện tử, pờ tơlik jơnau đơs, sơnio rùp mờ rùp sră ƀăo gơmŭt tàm dar pơrlòng dŭt ndơl. Mpồl bơyai lơh neh rơwah geh mờ jào 61 khà jờng, tàm hơ̆ geh 4 khà A, 8 khà B, 20 khà C mờ 29 khà Pơn jờng.

Jăt mpồl bơyai lơh yal, ală jơnau cih tus pơrlòng nam do lơh jăt di tàm mùl màl, lơh geh uă bơta kwơ kòn bơnus, gŏ ală broă tơrlòng lơh niam, broă lơh bơceh lơh; mờ pơgồp bal tàm broă tam dră mờ ală bơta tơngŏ ờ niam, sền gàr nùs nhơm tờm bơh Đảng. tàm hơ̆, tơnơ̆ mờ tŭ tơmŭt bal, tơngu me jơnau cih sơlơ rề ơnàng, yal loh làng rài kis mùl màl bơh tiah bơnơm tus tàm tiah jăt gah dà lềng. Tàm khà ală mpồl lơh ƀăo geh khà jờng nam do, Anih lơh broă sùm Tây Nguyên - Anih Jơnau đơs Việt Nam dê geh 6 jơnau cih geh jào khà jờng, tàm hơ̆ geh 1 khà A, 1 khà B, 2 khà C mờ 2 khà pơn jờng.