Do là phan jờng rơ kwơ màng ngan bơh Đoàn Ơruh pơnu Kộng sản Hồ Chí Minh dê, nàng jờng rơ ală bơyô kơnòm să ờ uă ir 35 sơnam, geh cồng nha jăk ngan, pơnrơ ngan tàm uă gah broă. Khà jờng “Cau kơnòm să Việt Nam pơnrơ jăk” geh jào pah nam di tàm dơ̆ tơnkah Ngai crơng gơs Đoàn Ơruh pơnu Kộng sản Hồ Chí Minh (26/03).

Nam 2024, Mpồl bơyai lơh neh dờp geh 159 pang sră pồ geh bơh 55 mpồl lơh broă tàm gùt lơgar. Mpồl duh broă sền sơwì, jào khà jờng neh đùh sră rơwah 19 nă cau geh pơnrơ jăk ngan mŭt dar rơwah pờ tơlik tàm internet. Tàm khà ală cau geh pồ do geh uă cau gam kơnòm să mờng gŏ ngan, mờ ală cồng nha lơh broă geh pơnrơ ngan tàm broă lơh bơh să tờm dê lơh geh uă bơta niam ai tus mpồl bơtiàn in bè cau chài đơs crih Phương Mỹ Chi; cau chài đơs crih Soobin Hoàng Sơn, Ùr hàng Huỳnh Thị Thanh Thủy; cau chài coh plai Nguyễn Tiến Linh; TS. Phạm Huy Hiệu…