VOV4.K’Ho- Tềng đăp rài kis kal ke bơh uă kơnòm bơsram tàm 13 xã tiah nhàr lơgar, Mpồl ling sền gàr tiah nhàr lơgar càr Kon Tum neh dong kờl 1 tơmàn 900 tơlak đong nàng dong ală kơnòm in tơrmù ƀà kal ke geh tai bơta pin dờn cơnđoà mut tàm nam bơsram pa 2023- 2024.

VOV4.K’Ho- Mho ngai 6/09, Thủ tướng Cíñ phủ ồng Phạm Minh Chính neh lòt pơrjum Kwang bàng kấp dờng Asean+3 (hơ̆ là mờ pe lơgar Lo, Nhờk, Hàn Quốk) mờ pơrjum ală kwang bàng kấp dờng Asean mờ Mỹ mờ Canada.

VOV4.K'Ho - VOV Tây Nguyên 30 nam bơt bơtàu mờ bơtàu tơnguh, Pờ tơlik jơnau đơs Jơi bơtiàn dùl êt nă cau kung neh tòm 30 nam bềng lìu ală jơnau kah kir. Bơh Jơnau đơs dà Rơđê sơn rờp geh pờ tơlik tàm nam 1994 tus tŭ do, VOV Tây Nguyên neh lơh, pờ tơlik 6 dà kòn cau: Rơđê, Jarai, Bahnar, Sơdàng, K’Ho mờ M’nông. Bal mờ ală jơnau yal tơnggit jơnau gơlik geh pah ngai tàm lơgar mờ dunia, gam geh jơnau đơs mìng dùl tơngume, jơnau lời ai dùl tơngume in, jơnau đơs pơnđik lời ai làng bol ală jơi bơtiàn dùl êt nă cau in. Tàm gơl gùng 30 nam hơ̆, git nđờ jơnau kah kir niam ngan gơ wèt mờ ală rơnàng lơh broă gah pờ tơlik jơnau đơs jơi bơtiàn dùl êt nă cau tàm Tây Nguyên.

VOV4.K’Ho- Dờp jơnau jà bơh Củ tịc Quốk hội ồng Vương Đình Huệ, Củ tịc Thượng viện lơgar Nhờk ồng Otsuji Hidehisa gam còp ngan ngồn lơgar Việt Nam.

VOV4.K’Ho- Drim ngai 06/09, tàm Hìu pơrjum Gơlăng Lơngăp lơngai is, Củ tịc lơgar ồng Võ Văn Thưởng tus bal Broă lơh tìp măt mờ jờng rơ ală rơnàng cau ling lơh broă dong kờl is, hìu bơnhă ròng pơnrơ di dơ̆ tơngkah kir sơnrai 30 nam ală broă lơh, lơh broă dong kờl is kàl rlô bơkang bơh ơruh pơnu ƀòn dờng Hồ Chí Minh dê.

VOV4.K'Ho - Drim ngai 05/9, tàm Hìu lơh broă Đảng dà lơgar, Tổng Ƀí thư ồng Nguyễn Phú Trọng wă ồng Lưu Kiến Siêu, Kwang geh jơng Đảng dà lơgar, Kwang atbồ Mpồl tàm yal jơnau lơh broă mờ lơgar ndai Đảng Kộng sản lơgar Lo gam geh dơ̆ lòt còp mờ lơh broă tàm Việt Nam.

VOV4.K'Ho - Ngai 05/9, Thủ tướng Cíñ phủ ồng Phạm Minh Chính neh geh dơ̆ tìp mat mờ Thủ tướng Timor- Leste ồng Xanana Gusmao mờ Củ tịc Cribơyai Lơh sa dunia (WEF) ồng Klaus Schwab di dơ̆ tus bal Pơrjum kwang bàng kâp dờng ASEAN dơ̆ 43 mờ ală pơrjum geh gơ rềng tàm Jakarta, lơgar Indonesia.

VOV4.K’Ho- Pơn jăt tai broă lơh tàm càr Gia Lai, drim òr (05/09), tàm ƀòn dờng Pleiku, Củ tịc lơgar ồng Võ Văn Thưởng tus còp mờ lơh broă tàm Ƀiñ đoàn 15 – do là mpồl ling geh mờr 40 nam lơh jăt kơnòl broă bơ̆t bơtàu ală Tiah lơh sa sền gàr dà lơgar tàm ù tiah kwơ màng Tây Nguyên mờ đah jum càr Quảng Bình.

VOV4.K'Ho - Là dùl tàm ală anih tiơng pơn rơ bơh gơl gùng Trường Sơn ndu gơn rơh dê, Anih ơm tiă gan dà dờng Srêpôk gơ wèt ù tiah xã tiah nhàr dà lơgar Kông Na, kơnhoàl Buôn Đôn, càr Dăk Lăk kung gam prap wơl tềl ală nam nhai tam lơh khin cha jak chài bơh ling klàng mờ làng bol he dê. Mờ broă geh dờp là tiah tềl kah yau dà lơgar kuơmàng, anih ơm tiă gan dà dờng Srêpôk là rùp pơrya bơh bơta pràn, nùs nhơm khin cha jak chài bơh jơi bơtiàn dê tàm rài tam lơh dră wơl bol sò tơm Mỹ tơngklàs dà lơgar.

VOV4.K’Ho- Di dơ̆ tus bal Pơrjum kwang bàng kấp dờng Asean dơ̆ 43 tàm Jakarta, Thủ tướng Cíñ phủ ồng Phạm Minh Chính neh geh dơ̆ tìp mat mờ Kwang atbồ lơgar Indonesia ồng Joko Widodo.