VOV4.K’Ho- Gờm chờ tơngkah kir sơn rai 78 nam Ngai Sơntờm Dà lơgar Kộng hòa Xã hội Củ nghĩa Việt Nam (02/9/1945 - 02/9/2023), drim ngai 30/08, tàm càr lơgar Hà Nội, Thủ tướng Cíñ phủ ồng Phạm Minh Chính tus bal sơnđờm ai ngui rbàng Vĩnh Tuy- tơngai dơ̆ 2.

VOV4.K’Ho- Drim òr (29/08), Thủ tướng ồng Phạm Minh Chính mờ Pơ ùr, bal mờ Thủ tướng lơgar Singapore ồng Lý Hiển Long bal mờ Pơ ùr neh tus còp Hìu bơsram Đại họk Dà lơgar Hà Nội mờ tìp măt mờ cau bơsram dờng di tàm dơ̆ tus còp mùl màl lơgar Việt Nam bơh Thủ tướng lơgar Singpore ồng Lý Hiển Long dê.

VOV4.K'Ho - Mho ngai 29/8, tàm Hìu lơh broă Củ tịc, Củ tịc lơgar ồng Võ Văn Thưởng wă Đại sứ ală lơgar: Ireland, Italia, Hàn Quôk mờ Litva jun sră dà lơgar pơyua di dơ̆ dờp kơnòl broă tàm lơgar Việt Nam.

VOV4.K'Ho - Tàm dơ̆ lòt còp mờ lơh broă tàm lơgar Campuchia, ngai 29/8, mpồl kwang bàng càr Gia Lai bơh ồng Hồ Văn Niên- Kwang geh jơng Ƀan Cấp hàñ Đảng dà lơgar, Ƀí thư Tỉñ ủy càr, Củ tịc Hội đồng Ñân zân càr lơh kwang atbồ mpồl neh geh dơ̆ lơh broă mờ mpồl kwang đơng lam bồ càr Ratanakiri, lơgar Campuchia bơh Phó Kwang atbồ càr ồng Ma ViChet lơh kwang atbồ mpồl.

VOV4.K’Ho- Phó Thủ tướng ồng Lê Minh Khái pa đơng lam dơ̆ pơrjum mờ ală ƀộ, gah lơh broă dà lơgar bè broă tam pà priă bơh kes priă Dà lơgar bè rơcang sơndră mờ tơrlah ù jăt gah dà dờng, dà lềng.

VOV4.K’Ho- Củ tịc Quốk hội ồng Vương Đình Huệ pa đơng lam pơrjum kờp sền wơl broă lơh rcang bơyai lơh Pơrjum Nghị sĩ kơnòm să gùt plai ù dơ̆ 9.

VOV4.K’Ho- Mho òr (28/08), tàm hìu lơh broă Đảng Dà lơgar, Tổng Ƀí thư ồng Nguyễn Phú Trọng wă Thủ tướng lơgar Singapore ồng Lý Hiển Long gam còp mùl màl lơgar Việt Nam.

VOV4.K’Ho- Mho ngai 28/08, Ƀộ Văn hoá, Thể thao mờ Zu lịc bơyai lơh Pơrjum Jờng rơ krơh pơnrơ gơguh jak tàm gah broă lơh niam chài nam 2023.

VOV4.K’Ho- Ƀan Câp hàñ Đảng Kộng sản Dà lơgar Việt Nam, Tỉñ ủy càr, Hội đồng Ñân zân càr, Ủy ƀan Ñân zân càr, Ủy ƀan Mặt trận dà lơgar Việt Nam càr Lâm Đồng bal mờ hìu bơnhă ồng nđàc sơngĭt ngan gĭt lơh, yal:

VOV4.K’Ho- Kơnhoàl Kon Rẫy, càr Kon Tum geh mờr 67% khà kờp làng bol là làng bol jơi bơtiàn dùl êt nă cau. Tàm ală xã tiah sar lơgar ngài tàm kơnhoàl lơh broă lơh sa, rài kis làng bol dê gam uă bơta ờ hềt pràn jak mờ kal ke. Dơ̆ hòi jà “Lơh tam gơl bơta kơlôi sơnơng, broă lơh bơh làng bol jơi bơtiàn dùl êt nă cau dê, lơh ai làng bol jơi bơtiàn dùl êt nă cau in brồ guh klàs bơh rƀah kơ̆ kơl jăp” bơh Tỉñ ủy càr Kon Tum sồr lơh pơgăp mờ do 2 nam geh Huyện ủy kơnhoàl Kon Rẫy lam lơh jăt geh cồng nha neh cèng wơl uă bơta chờ hờp ai làng bol jơi bơtiàn dùl êt nă cau in tàm tiah sar lơgar ngài bơh kơnhoàl dê.