VOV4.K'Ho - Tàm càr Dăk Nông, jơnau gơ lời wơl bơh broă ờ huan lơh kràñ tàm broă sền gàr brê, kal ke ngan nàng gơtùi bơsong wơl tài làng bol neh tam chi tam jŏ nam mờ lơh hìu kơ̆ kơljap tàm bă ù tam brê. Uă hìu bơnhă neh ơm kis jŏ jòng, tŭ do nisơna gơ wơm tàm bă ù brê. Bàr, pe nă cau sơmờm broă tac bro hìu đam, suơn chi, tŭ do jòi gùng nàng ơm ing broă jàu, dờp wơl ù geh tài bơh broă lơh ờ di mờ adat boh lam.

VOV4.K’Ho- Drim òr (01/08), UɃÑZ càr Lâm Đồng geh jơnau đơng lam jal mhar tus mờ ală mpồl lơh broă geh gơnoar bal mờ gơnoar atbồ ală kấp lơh jăt ală gùng dà broă lơh sơndră mờ tơrlah ù.

VOV4.K’Ho- Ngai 31/07, đơs tàm Pơrjum pờ tơlik tơn tàm internet gùt lơgar lam lơh jăt broă rơndăp tăp sèng anih lơh broă sră pơ àr gơnoar ătbồ kâp kơnhoàl, kâp xã, Thủ tướng Cíñ phủ ồng Phạm Minh Chính neh yal loh 6 jơnau bơsram mờng chài.

VOV4.K’Ho- Mho ngai 31/07, Ủy ƀan Ñân zân càr Dăk Lăk jàu kơrnoăt ntrờn, pồ ồng Nguyễn Minh Huấn, Kwang ătbồ Gah Lùp sền càr Dăk Lăk ăt gơnoar broă Kwang ătbồ Sở Tài nguyên mờ Môi trường càr.

VOV4.K’Ho- Drim òr (31/07), Thủ tướng Cíñ phủ ồng Phạm Minh chính đơng lam pơrjum pờ tơlik tơn tàm internet gùt lơgar lam lơh jat rơndăp tăp sèng wơl anih lơh broă sră pơ àr gơnoar atbồ kấp kơnhoàl, kấp xã tơngai bơh nam 2023- 2030.

VOV4.K’Ho- Mho òr (31/07), Phó kwang atbồ Ƀan Kiñ tế Dà lơgar ồng Nguyễn Hồng Sơn bal mờ mpồl kwang bàng lơh broă neh lơh broă mờ Thàñ ủy ƀòn dờng Cần Thơ bè broă lơh jăt Nghị quyết sồ 59 bơh Ƀộ Cíñ trị bơ̆t bơtàu mờ bơtàu tơnguh ƀòn dờng Cần Thơ.

VOV4.K'Ho- Drim òr (31/07), Phó Thủ tướng Cíñ phủ ồng Trần Lưu Quang neh lòt sền tiah gơlik geh bơta tơrlah ù tàm kuèl kơh Bảo Lộc mờ lơh broă mờ Ủy ƀan Ñân zân càr Lâm Đồng.

VOV4.K’Ho- Mờ gơnoar broă là Phó Ƀí thư Ci ƀộ, Kwang ătbồ ƀòn Buôr, ồng Y Siêm Bkrông, măt mờng hòi là bàp Tháp ơm tàm ƀòn Buôr, xã Hoà Xuân, ƀòn dờng Buôn Ma Thuột, càr Dăk Lăk sùm lam lài tàm jơh ală broă, srơh tàm ƀòn lơgar, geh làng bol kờñ boh mờ pin dờn.

VOV4.K’Ho- Lơh jăt Kơrnoăt bơh Cíñ phủ dê bè jàu ù, jàu brê, rài kis bơh làng bol kis rềp brê tàm tiah Tây Nguyên geh tai broă lơh, priă lơh geh sùm; brê kung geh sền gàr niam rlau. Mơya tàm bàr pe tiah, broă jàu brê geh lơh jăt ờ di cau, lơh brê gơtìp sơgràm aniai nàng bơ̆t hìu tìs mờ kơrnoat boh lam.

VOV4.K’Ho- Thủ tướng Cíñ phủ ồng Phạm Minh Chính pa geh jơnau sồr bè broă tơrgùm tơmù hoàc huơr tơrlah ù tềng koèl kơh Bảo Lộc, càr Lâm Đồng mờ rơcang sơndră mờ mìu dờng ală càr tàm Tây Nguyên mờ đah jum dà lơgar.