VOV4.K’Ho- Tàm kơnhoàl tiah sar lơgar ngài Dăk Glong, càr Dăk Nông, ù tiah ơnàng, làng bol ờ hoan geh, broă lơh crăp camera sền gàr lơngap lơngai geh lam lơh tàm jơh ală xã neh lơh geh cồng nha tàm broă gàr niam lơngap lơngai, rơndap tap sèng tàm tiah do dê.

VOV4.K'Ho- Broă lơh Mpồl Pơrjum kwang bàng kâp dờng Quôk hội Campuchia, Lào mờ Việt Nam dipal mờ broă wèt sền bơh uă rơnàng Củ tịc Quôk hội 3 lơgar dê.

VOV4.K’Ho- Mho ngai 20/11, Thủ tướng Cíñ phủ ồng Phạm Minh Chính lơh broă mờ Ƀan Thường vụ Tỉñ ủy Lâm Đồng bè bơta lơh sa - mpồl bơtiàn, sền gàr dà lơgar - sền gàr lơngap lơngai, bơt bơtàu Đảng, ală anih lơh broă cíñ trị nam 2022, gùng dà broă lơh, kơnòl broă nam 2023.

VOV4.K’Ho- Mho ngai 20/11, tàm Hìu lơh broă Củ tịc, Củ tịc lơgar ồng Nguyễn Xuân Phúc wă ồng Kuroiwa Yuji, Kwang atbồ càr Kanagawa (lơgar Nhờk) gam geh dơ̆ còp mờ lơh broă tàm Việt Nam.

VOV4.K'Ho- Thủ tướng Phạm Minh Chính đơng lam Pơrjum lam lơh broă lơh bơh Cíñ phủ dê lơh jat Nghị quyết sồ 23 bơh Ƀộ Cíñ trị dê bè gùng dà bơtàu tơnguh lơh sa mpồl bơtiàn, sền gàr dà lơgar, sền gàr lơngăp lơngai tiah Tây Nguyên tus nam 2030, broă wèt sền tus nam 2045.

VOV4.K'Ho - Tàm dơ̆ lòt còp ngan ngồn lơgar Campuchia mờ tus bal Pơrjum dờng Liên Nghị viện Đông Nam Á dơ̆ 43, drim ngai 20/11, Củ tịc Quôk hội ồng Vương Đình Huệ neh geh dơ̆ tìp mat cribơyai broă mờ ồng Samdech Techo Hu Sen, Thủ tướng lơgar Campuchia tàm Cung Hòa Bình.

VOV4.K’Ho- Làng bol kòn cau La Ha tàm kơnhoàl Mường La, càr Sơn La geh rlau 800 hìu bơnhă, geh 0,75% khà kờp làng bol, ơm kis uă ngan tàm ală tiah kal ke ơm ngài tiah tờm kơnhoàl dê. Ală nam do, kơnhoàl Mường La neh lơh ngan ngồn ală gùng dà broă lơh bơh Đảng, Dà lơgar, đơng lam ngan kấp ủy, gơnoar atbồ ală kấp tàm broă sền gròi rài kis làng bol.

VOV4.K'Ho- Củ tịc Quôk hội Việt Nam ồng Vương Đình Huệ lam bồ Mpồl Kwang bàng kâp dờng ala mat Quôk hội Việt Nam neh sơnđờm lòt còp còp ngan ngồn lơgar Campuchia mờ lòt Pơrjum dờng Ală Nghị viện ală lơgar tiah đah jum mat tơngai lik câu Á ASEAN dơ̆ 43 (AIPA- 43) bơh ngai 19 tus 22/11 do.

VOV4.K’Ho- Di dơ̆ tơngkah Ngai Cau pơgru Việt Nam, kwang đơng lam bồ càr Dăk Nông neh pà phan ưn ngài ală kwang bàng, cau pơgru neh jơh tơngai lơh broă, ală cau pơgru jak ngan; pà bằng khen ai 35 nă cau pơgru mờ ală mpồl cau pơn rơ jak geh uă bơta tă pơgồp ai broă bơto bơtê càr in.

VOV4.K’Ho- Drim ngai 18/11, Củ tịc lơgar ồng Nguyễn Xuân Phúc neh geh dơ̆ tìp mat mờ Kwang atbồ lơgar Phlippines ồng Ferdinand Romualdez Marcos di dơ̆ tus bal Tơngleh Kwang bàng kấp dờng APEC tàm Bangkok, lơgar Thái Lan.