VOV4.K’ho- Mang ngai 21/3, Đoàn Ơruh pơnu Cộng sản Hồ Chí Minh neh bơyai lơh dơ̆ jờng rơ, pà khà jờng 10 nă cau krơh niam kơnòm să Việt Nam pơnrơ jak nam 2020. Do là ală cau krơh niam kơnòm să jak ngan tàm ală gah pơnrơ jak ai rnàng kơnòm să tàm rài pa in. Khà jờng cau krơh niam kơnòm să Việt Nam pơnrơ jak là khà jờng bơh Đoàn Dà lơgar dê nàng lơh geh bơta gơn kơnờm bơtàu tơnguh bơta pràn jak cau kơnòm să dê mờ tơnguh srơh tàm pơrlòng bơsram, bơsram tàp, kơlôi sơnơng khoa học, cau lơh broă, bơceh pa tàm ơruh pơnu, kơnòm pa tàu mờ kơnòm dềt; lơh ngan mờ bơtàu tơnguh mpồl Đoàn, Hội, Đội mờ gơ hòi gơ jà bơta sền gròi bơh mpồl bơtiàn dê gơwèt mờ broă lơh bơto bơtê, bơsram tàp ai rnàng kơnòm să in.

Ală cau krơh niam kơnòm să geh jờng rơ là ală cau krơh niam lơh geh bơta gơhòi gơ jà, lơh geh tềl lời wơl uă ngan tàm mpồl bơtiàn kơnờm ală bơta pơnđơl pràn lơh ngan bơh să tờm he dê mờ ală cồng nha niam ngan. Tàm khà 10 nă cau krơh niam kơnòm să kơ̆p kờñ bơtàu tơnguh nam 2020, ờ mìng geh ală cau krơh niam ơruh pơnu tàm lơgar lơm gời mờ gam geh ơruh pơnu Việt Nam ơm kis tàm lơgar ndai neh đơs nền bơta pràn jak tàm uă gah.

Cau mblàng K’ Hạnh