VOV4.K’ho-Kờ` sơlơ ai uă phan bơna pal geh lơgar Việt Nam dê ai công nhân mờ cau lơh broă in, tàm càr Quảng Ninh, Bộ Công thương neh pơgồp bal mờ Tổng Liên đoàn Lơh broă Việt Nam neh bơyai lơh Pơrjum mblàng yal, tơngi\t ală broă lơh pơnrơ.

Jat khà kờp bơh Tổng Liên đoàn Lơh broă Việt Nam dê, jơh gùt lơgar tu\ do geh pơgăp 4 tơlak nă công nhân tu\ do gam lơh broă tàm ală tiah lơh gơlik phan tăc mờ lơgar ndai, tiah công nghiệp.

Bộ Công thương neh lam lơh uă broă lơh geh kuơ, pơnrơ ngan là ală dơ\ jun phan Việt Nam rê tus tiah công nghiệp, tiah lơh gơlik phan tăc mờ lơgar ndai bal mờ rlau 3 rbô dơ\ tăc phan, mờr 60 rbô dơ\ mpồl lơh sa kă bro tus bal mờ gơhòi gơ jà rlau 4 tơlak nă cau blơi phan.

Mờ broă lơh tơrlòng lài “Anih tăc phan Việt Nam kơ\ kơl jăp mờ jo\ jòng”, 104 anih tăc phan rềp ală tiah công nghiệp, tiah lơh gơlik phan tăc mờ lơgar ndai kung geh lơh tàm 58 càr mờ [òn dờng sơl.

Bơh broă tàm tơrbo\ bal ală mpồl lơh sa kă bro mờ Công đoàn ală tiah công nghiệp, tiah lơh gơlik phan tăc mờ lơgar ndai, Pơrjum pơlam gùng ală mpồl lơh sa kă bro bơyai lơh uă broă lơh tơrmù khà priă, anih tăc phan nàng công nhân, cau lơh broă in geh blơi phan Việt Nam bal mờ bơta niam uă, lơh geh tơl jơnau sồr pal geh bè kloh niam ờdo ờdă phan sa, geh anih lơh gơlik loh làng, khà priă tàm pơrlòng.

Cau mblàng Lơ Mu K’Yến