VOV4.K’ho – Bol he gam mut tàm tu\ tơngai tam jàu bơh nam Đinh Dậu tus nam Mậu Tuất. Tu\ tơngai do, gùt jơi bơtìan kah tus dùl dơ\ sa tềp kah yau pơgap mờ do tòm 50 nam, sa tềp Mậu Thân 1968, tu\ ling klàng mờ làng bol tiah đah jum dà lơgar lam lơh dơ\ ntàu tam lơh dờng, nting bơh trơh Mỹ Nguỵ, pơ gồp bơnah pờ gùng “lơh nàng Mỹ in dô”, wèt tus pha lin dờng sơnam pa, tơr gùm dùl dà lơgar ngai 30/4/1975. Sơnam pa nam 1968 gơ gơs là bơta pin dờn kis sùm bè kơp kờ` ngap lơngai is jơi bơtìan:

Bè neh gơ gơs mờng quèng, pah tu\ tus ngai 30 sa tềp, ồng Nguyễn Trung Quế, ơm tàm sơnah [òn Trần Hưng Đạo, [òn dờng Kontum, càr Kontum, lài do là cau ling gơ wèt Đại đội 1, Tiểu đoàn 304 tam lơh ai wơl [làng rơndeh par Kontum tàm thị xã Kontum tàm dơ\ ntàu tam lơh sơnam pa Mậu Thân 1968, rơcang `àng, bơkàu, mbar knơm, sồr kòn sau pơndiang tus [làng tơp bồc cau ling chơt màng càr dê. Tê ồng dê rơndap is phan pơ dơng, chu `àng, kah kơ lôi ală cau ling bal ồng dê neh chơt phi să tàm dơ\ tam lơh sơnam pa Mậu Thân 1968. Bulah ngai sơlơ dờng sơnam, să jan ngai sơlơ ờ sô, mơya tàm nùs nhơm ồng dê kung gam bè ờs ală jơnau kah kir bè sơnam pa nam hơ\: “A` kah bè ờs ngan, tơnơ\ mờ tu\ a` rơcang lòt tus tiah tam lơh, a` klo đơs là dơ\ tam lơh do cui rơcai ngan, den tàng mpồl hậu cần rơcang lài oh mi in sa tềp. Kung là ba`, poac, đơs bal là kung geh sur, iar mờ ờ git bè lơi mờ cau lơi kung chờ hờp, cau lơi kung gơ lơh duh hồl ngan. Kơp gơn tus tu\ jiơ G, mờ ờ git jiơ G hơ\ là tu\ lơi. He kung ờ go\ git sơnam pa Mậu Thân 1968, mìng kơp rơcang lài. Mpồl hậu cần rơcang jơh ală bơta phan sàu sa, sa lài mờ ngai sa tềp tus 4, 5 ngai, jơh dùl poh, ờ git bè lơi mờ nam do pà sa tềp bè hơ\. Mờ bơh kuang bàng, cau ling, ờ go\ cau lơi đơs mờ cau lơi, sùm rơcang lài dùl dơ\ lik lòt jơh nùs nhơm.”

Kah bè sa tềp lài mờ dơ\ ntàu tam lơh sơnam pa Mậu Thân 1968 tàm tiah tam lơh Buôn Ma Thuột, dùl tàm ală bă tiah kuơ màng tàm tiah tam lơh Tây Nguyên, ồng Tô Tấn Tài (sùm geh hòi là bèp Oanh), lài do là Bí thư huyện uỷ kơnhoàl Lak, càr Daklak pà git: gơ wèt mờ ồng, tu\ jiơ tàm jàu đah nam Đinh Mùi mờ Mậu Thân 1968 là ờ tu\ lơi gơtùi hui\. Tu\ hơ\, bơh thị xã Buôn Ma Thuột tus ală [òn tàm càr, tiah lơi kung bềng bơta pin dờn tàm dùl sơnam pa pha lin: “Tu\ hơ\ broă lơh mblàng yal là, 100 nam geh dùl dơ\ kah yau, cau lơi kung chờ hờp rơcang sa tềp, geh phan lơi là sa jơh, mơya cau lơi kung kờ` tus bal tàm dơ\ ntàu tam lơh ai wơl gơ noar atbồ, tơngklàs khat gơboh, den tàng nùs nhơm kơp kờ` ring lơngai, ngap lơngai is uă ngan, den tàng gơ lơh chờ ngan. Làng bol tàm tiah pôs đồng kac màng kung chờ hờp tus bal tàm tơl broă lơh.”

Sa tềp Mậu Tuất kah bè sa tềp Mậu Thân gam là bơta kah kơ lôi bè ală bơta phi să dờng màng mờ ling klàng bal mờ làng bol tàm càr Daklak sơr lèt gan. Thiếu tá Nguyễn Hữu Trí, lài do là kuang atbồ mpồl lơh broă Nội tuyến, di Ban Binh địch vận tỉnh ủy Daklak, sa tềp Mậu Thân 1968 pà git, tàm dơ\ dơ\ tam lơh tàm sơnam pa do, Tiểu đội chơt phi să rlau gùl, cau tờm, gơp bơ yô chơt tàm mang ngai 30, àng drim gờ` ngai 1 sa tềp kung uă ngan. Pha lin dờng pal tam gơl mờ uă mhàm, ntìng. Pah nam, wă rò tai dùl sa tềp ring lơngai, nùs nhơm ồng Trí gơ lơh ngoh rơngac ngan tu\ kah bè cau ling bal lài do mờ ồng pơn ìơ să là he neh geh tu\ tus bal dơ\ ntàu tam lơh khin cha jak chài: “Ală cau tus bal tơn dơ\ tam lơh hơ\ sồng gơtùi git bơta kuơ bơh pha lin dê. Geh cau gơtùi go\ ală bơta phi să, roh rui mờ khi đơs là, dilah ờ geh dơ\ tam lơh do den ờ geh bơta phi să, bè hơ\ den mbè gơtùi geh broă Mỹ ruc ling mờ lơh bè lơi geh bơta nam 1975 he tơngklàs dà lơgar, den tàng he pal go\ bơta dờng màng hơ\, hơ\ sồng gơtùi sền sơ wì cồng nha dơ\ tam lơh Mậu Thân dê. Bơ yô a` phi să uă ngan, cau tờm khi dê kung phi să uă ngan, mơya bơta he geh den dờng rlau, ai ngap lơngai jơi bơtìan in, ai dà lơgar in ring lơngai, tơr gùm dùl.”

Neh geh tu\ lòt gan bơta jê sồt tài bơh tam lơh tam cah is, tu\ do kis tàm bơta chờ hờp ring lơngai, rlau mờ cau lơi jơh, tàm ală ngai tàm jàu sơnam yau mờ sơnam pa, ală cau bè ồng Quế, ồng Tài, ồng Trí neh geh tu\ sang lời sơnam kơnòm să, bơta chờ hờp is să tờm dê tàm nam lơi, tu\ do bơ tòm gùt dar kòn sau mờ dùl bơta ram mhu\ bềng lìu tàm tu\ jiơ hìu bơnhă bơ tòm bal. Tàm rài kis bềng bơkàu niam mờ àng đèng, ală hìu bơnhă kung gam lời dùl bơnah ngềt ngơt nàng kah kơ lôi ală cau neh chơt phi să ai ngap lơngai is tu\ do in.

Dùl sơnam pa wil tơl, bơ tòm bal sơlơ geh kuơ dờng ngan, tu\ ală cau phi să neh tơrbo\ tai bơta ndu gơn rơh tàm rài kis tu\ do.

                 Cau cih mờ yal tơnggit K’Duẩn