VOV4.K’ho- Tàm nùs nhơm jơh gùt lơgar tơngkah kir sơnrai 45 nam ngai tơngklàs jơh gùt tiah đah jum, tơrgùm dùl dà lơgar, ală cau lơh cơng jơnau kah yau tàm càr Dăk Lăk neh geh dơ\ tìp măt, tam pà bal mờ ală rơnàng kơnòm să ală jơnau kah wơl kir sơnrai bè tam lơh pha lin dờng kàl prang nam 1975.

Tam lơh jai pha Buôn Ma Thuột ngai 10/3/1975 neh pờ tơlik bơta pha lin ai dơ\ tam lơh Tây Nguyên in, lơh gơlik bơta tam gơl kah yau kuơmàng, dong tơngguh mhar broă lơh bơh dơ\ Ntàu tam lơh dờng mờ ntàu dră kàl prang nam 1975, bal mờ cồng nha dờng ngan rlau jơh là bơta pha lin bơh Dơ\ tam lơh Hồ Chí Minh tơngklàs jơh gùt tiah đah jum, tơrgùm dùl dà lơgar. Tơnơ\ 45 nam tơngklàs, ală cau lơh cơng neh geh kis mờ tam lơh tàm kàl prang nam 1975 kung gam gơlơh kah ngan, ngoh rơngăc ngan sơl tu\ kah bè jơnau kah yau do.

Neh gơ gơs mờng quèng, pah tu\ tus nhai 3, nhai 4 tus, ală cau ling yau, ală cau lơh cơng jơnau kah yau bơh tam lơh pha lin dờng kàl prang nam 1975 dê tam tìp bal tai kah wơl jơnau kir sơnrai bơh dùl rài tam lơh dờng cui rơcai ngan dê. Ală so\ bò neh jơh kra, ală săp `o\ sùm chờ hờp chờ hờp tàm muh măt gơcèng tu\ tơngai dê. Mò Nguyễn Thị Minh Trinh, lài do là Phó Kuang ătbồ mpồl lơh broă chính trị gơlơh bè kis wơl ală ngai nhai duh hồl khin cha jak chài ngan guh ntàu tam lơh, kơ\p kờ` ngan tơngklàs bơh kàl prang nam 1975 dê. Tu\ hơ\, jê sồt ngan tàm nùs pơyua kòn dềt rơ\p pa 2 sơnam lơm ai anih lơh broă dong kờl tàm [òn lơgar in, mò lòt mu\t tàm dơlam [òn dờng Buôn Ma Thuột, jòi gùng, bơ\t bơtàu ală anih drơng broă kăc màng.

Ală anih lơh broă tàm dơlam khi jơh nùs ngan, gơ wèt mờ kăc màng tu\ geh tu\ tơngai là khi tus bal mờ he. Den kơnờm bè hơ\ mờ a` gi\t geh broă bơh bol sò tơm dê, mờ jàu kơnòl ai tơl mpồl cau kơnă hơđơm in pơgồp bal mờ mpồl lơh broă chính trị, dùl là hòi jà ling klàng ba` lòt ling tai, dơ\ bàr là tus bal gơ sơ\t bol sò tơm iơh bơsak, lơh tơrlah pôs đồng khi dê, dơ\ pe là jun làng bol ntàu dră. Tàm bơta hơ\, bol a` rwah bàr pe nă bol iơh bơsak ngan rlau jơh, pơnrơ iơh ngan rlau jơh nàng gơ sơ\t, den bơh hơ\ lơh tơrlah geh mpồng mu\t, mờ lơh ai làng bol in ntàu dră.

Tìp măt cau lơh cơng jơnau kah yau “Jơnau kah wơl kir sơnrai tam lơh pha lin dờng kàl prang nam 1975” tàm Dăk Lăk

Kàl prang nam hơ\, ồng Trịnh Ngọc Bổ là cau ling yau lơh broă tàm mpồl hòi jà làng bol H11, tiah đah măt tơngai lik càr Dăk Lăk. 21 sơnam, 4 nam tam lơh, 4 dơ\ gơtìp sồt să. Mơya jơnau kah wơl uă ngan rlau jơh bơh ồng dê là dơ\ tam lơh ờ rah phàu lơi mơya kung jai pha sơl, ku\p 28 nă cau jàm bol sò tơm, ku\p rlau 50 ki\ phàu crong ală bơta, tơngklàs xã Krông Pach, quận Phước An tu\ do là xã Ea Kly, kơnhoàl Krông Pach. Ồng Trịnh Ngọc Bổ, chờ hờp ngan yal wơl: A` kah hơ\ là mang ngai 28/2, mpồl lơh broă bơh bol a` dê geh 9 nă cau geh 9 ngkơr phàu, lơh tơrlòng lài tơngklàs dùl xã tàm tu\ quận Phước An ờ hềt tơngklàs, Buôn Ma Thuột ờ hềt tơngklàs. Den bol a` ngui loa hòi jà oh mi cau ling mờ gơnoar ătbồ pal sơrbac mhar pờ tê tơlik măt, ling klàng tơngklàs dà lơgar neh wàng se, kơryan, dilah oh mi lơi tam lơh wơl den geh gơtìp gơ sơ\t chơ\t. Bol a` hòi jà pơgăp rlau 10 phuk, ngui loa hòi jà dờng ngan, nùs nhơm khin cha jak chài ngan mờ bol sò tơm neh pờ tê ờ jai tam lơh tai.

Ling tơngklàs dà lơgar tam lơh jai pha sơgràm geh Gah đơng lam sư đoàn 23 Ngụy dê (rùp Kah yau Đảng bộ càr Dăk Lăk)

Dùl tàm ală cau ling să tờm tơn tus bal dơ\ tam lơh tơngklàs Buôn Ma Thuột ngai 10/3/1975, ồng Hồ Quảng Trị là cau ling yau, lài do là Kuang ătbồ Tiểu đoàn 2, Trung đoàn 25, ngoh rơngăc kah wơl: Mpồl ling ồng dê geh kơnòl broă sò tơm Hìu prăp phan dờng Mai Hắc Đế. Jơnau nisơna bal mờ bơta dùl nùs dùl tồr bal kơ\ kơl jăp bơh ală mpồl ling dê, Buôn Ma Thuột neh geh tơngklàs tơnơ\ rlau 30 jiơ tam rah phàu, tàm bơta chờ hờp kơ\p gơn ngan bơh làng bol dê. Ồng Hồ Quảng Trị, yal bè do: Ngai 10/3 tam lơh tàm do he kung neh tam lơh jai pha bơh 85 tus 90% gơ dê rao, gam wơl dùl êt nă là tam lơh wơl, tơnơ\ hơ\ rơndeh sơtăng he dê mu\t tai, lồi ngai 11 là tơngklàs jơh tơn. Mờ tàm ngai 10/3 tơn, tam lơh tàm [òn dờng Buôn Ma Thuột, den làng bol neh yồng bùng bi uă ngan rao, bùng bi tơngklàs dà lơgar neh geh yồng sơl, làng bol chờ hờp ngan gi\t lơh.

Làng bol Tây Nguyên chờ hờp tam lơh jai pha (rùp Thông tấn xã dê)

Là dùl tàm 2 nă cau mai bùng bi tàm ală nam tam lơh tàm tiah pôs đồng H4- Dăk Lăk, mò Nguyễn Thị Ngọc Lan, pà gi\t: uă cau neh chơ\t phi să, neh gơtìp sồt să nàng gàr tơl pèt ù, tơl nha bùng bi Dà lơgar dê tài bơh do là kơnòl broă king cru\ ngan. 45 nam neh lòt gan, mò kung gam ngoh rơngăc sơl tu\ kah wơl ală ngai tam lơh pha lin dờng. Mò Nguyễn Thị Ngọc Lan, kah wơl: Den mai sùm ngai kung bè mang sơl, pờ đèng gri mai sùm gùt mang àng tơn, ờ go\ cau lơi mờ rơgơi kơlôi geh nam 1975 tơngklàs tam lơh pha lin dờng kàl pràng bè hơ\, mờ tus tu\ do đơs wơl kung gam gơlơh kah wơl ngoh rơngăc ngan sơl, ờ rơgơi kơlôi geh sơl.

{òn dờng Buôn Ma Thuột ngai do

Đơs bè tam lơh jai pha Tây Nguyên tàm tam lơh dờng kàl prang nam 1975, ồng Lê Chí Quyết, lài do là Phó Bí thư Tỉnh ủy mơkung là Phó Kuang ătbồ duh broă sùm Ủy ban ling klàng ătbồ thị xã Buôn Ma Thuột, yal, 2 jơnau tờm, lơh gơlik bơta [ươn ngan rlau jơh là ling klàng mờ làng bol niam ngan; dơ\ 2 là làng bol ală kòn cau Yoan mờ cau kòn cau tàm do tam klăc ngan. Bơta hơ\ neh lơh gơlik bơta pràn tơl làm ai 3 đah tam tìp bơtòm tơrgùm bal ling klàng, chính trị mờ hòi jà làng bol.

Tơnơ\ tu\ tơngklàs thị xã Buôn Ma Thuột, mpồl ling tờm lòt tus Sài Gòn, ai ală mpồl ling [òn lơgar hòi jà làng bol ntàu dră pràn ngan, lơh tơrlah pôs đồng ling bol sò tơm dê, jòi ku\p ling sò tơm gam wơl. Tus ngai 24/3/1975, càr Dăk Lăk neh geh tơngklàs jơh. Ủy ban ling klàng ătbồ thị xã Buôn Ma Thuột tơrgùm mpồl cau rơndăp tăp sèng wơl bơta lơngăp lơngai tàm [òn lơgar, bơ\t bơtàu wơl rài kis ai làng bol in, kuơmàng là bơsong bơta jơgloh. Ồng Lê Chí Quyết, pà gi\t: Tàm jơh gùt tu\ tơngai tam lơh mờ Mỹ lài do, Buôn Ma Thuột là dùl thị xã kis ờ geh lơh sa, kis kơnờm tàm phe drà, ka tăc, den tàng tàm rài hơ\ nđờ rbô nă làng bol gơtìp jơgloh tơhìr, ờ geh piang sàu àu soh. Bè hơ\ den UBND càr pal dan mờ kấp hơđang là ai pờ jơh ală hìu prang kòi phe phan sa bơh ling sò tơm dê lời wơl, dơ\ 2 là blơi lèng càn phan sa bơh ală hìu prăp phan làng bol dê, nàng dong phe sa ai làng bol in.

Lơh chờ gùng drà (nhai 3/2019) tàm Rùp mòn tam lơh jai pha Buôn Ma Thuột

Tam klăc dùl nùs neh pơgồp bơnah lơh gơs bơta tam lơh jai pha Buôn Ma Thuột, pờ gùng ai dơ\ tam lơh Tây Nguyên in pha lin, mờ pơnrơ ngan rlau jơh là dơ\ tam lơh Hồ Chí Minh kah yau tơngklàs jơh gùt tiah đah jum, tơrgùm dùl dà lơgar. Tam klăc kung là bơta pràn nàng Buôn Ma Thuột, Dăk Lăk sơm bời bơta sồt rơmà` tam lơh, lơh geh ală cồng nha pa tàm broă lơh bơ\t bơtàu mờ bơtàu tơnguh lơh sa- mpồl bơtiàn, sền gròi rcăng sir rài kis ai làng bol ală kòn cau in.

Cau cih Minh Huệ- Cau mblàng Lơ Mu K’Yến