VOV4.K’ho - Bu\ lah neh nam dơ\ 4 lơh jăt rơndăp broă tơmù ờ uă ngan broă bao gờ` mờ bao rềp jơi nòi bal tàm tiah làng bol kòn cau, tơngai bơh nam 2015 tus 2025 bơh Uỷ ban Dân tộc dê, mơya tu\ do, pah nam tàm càr Gia Lai gam geh mờr 1 rơbô nă cau bao gờ`. Bơta do lơh gơbàn uă ngan bơta ờ niam bè broă lơh, mpồl bơtiàn mờ sền gàr brê tàm tiah do.

Rơ\p 32 sơnam, mơya lo\ Rơmah H’ Klam, kis tàm [òn Ia Bia, xã Ia Le, kơnhoàl Cư\ Pưh, càr Gia Lai neh deh tus 4 nă kòn. Kis tàm hìu nhă gal oh mi, den tàng nam 15 sơnam, lo\ Rơmah H’ Klam neh bao.

                                   Ală cau mè gam kơnòm là rùp rài mờng go\ ngan tàm tiah làng bol kòn cau càr Gia Lai dê

Kung ndrờm mờ ală ùr bơklao gam kơnòm ndai tàm [òn Ia Bia, ù lơh sa ờ uă, ờ tơl ròng kòn gal, ùr bơklao lo\ H’ Klam lòt mus brê kờ` geh ù lơh mìr. Mơya brê tu\ do neh ngài ngan, tus tàm tiah rềp bal mờ càr Dak Lak, den tàng hìu nhă geh 6 nă cau do kung gam kal ke mờ ờ tơl ală bơta.

Lo\ H’ Klam sùm gơbàn kòp tê jê să, 4 nă kòn den kòn lơi kung gơtìp jòr rơgai tài ờ tơl piang sào. Jơnau piang sào ào soh gam là bơta lài ngan mờ 2 nă ùr bơklao pal kơlôi sùm pah ngai, den tàng, tơnơ\ mờ 17 nam bao, 2 nă ùr bơklao hơ\ sồng lơh sră ku\p bao:

-Bàr nă ùr bơklao ờ lơh sră ku\p bao, mìng gơboh bal den bao. Nam 2017, deh kòn dơ\ 4, kờ` tơmu\t măt kòn tàm sră cih măt hìu nhă, xã đơs là pal geh sră ku\p bao, den tàng he pal lơh sră ku\p bao hơ\ sồng gơtùi tơmu\t măt kòn. Gam 3 nă kòn lài tu\ lơh gơs sră cih măt hìu nhă den hơ\ sồng geh tơmu\t jơh.

Kung tàm [òn Ia Bia, mò Rơmah Băm H’ Tul, deh nam 1964, bao bơh nam 14 sơnam, tu\ do mò geh 10 nă kòn mờ 145 nă sao. Mò H’ Tul pà g^t, bao, deh kòn gờ`, mờ lơh broă glar bòl pah nam tai, den tàng bơta pràn kơl dang să jan mò neh gơmù uă ngan, gơbàn uă bơta kòp tai.

           Bao gờ` mờ deh kòn gal là bơta tòm lơh kal ke tàm broă tơnguh bơtàu lơh sa tiah làng bol kòn cau tàm càr Gia Lai

Bu\ lah bè hơ\, mơya mò H’ Tul kung gam ai 6 nă kòn ùr bao bơh tu\ rơ\p tòm 15, 16 sơnam. Mò đơs là, bao là broă ală kòn dê, den tàng mò ờ sơmòm tus:

-Ală kòn tìp bal hơ\ sồng gơboh bal, bao is, bu\ lah ờ hềt tus sơnam den kung pal bao. Bơta do khăt ală kòn dê, he ờ gơtùi kơrian.

Mùl màl, tu\ do tàm tiah làng bol kòn cau kis tàm càr Gia Lai, bơhiàn bao gờ` gam uă ngan. Bè tàm xã Ia Le, kơnhoàl Cư\ Pưh, do là xã geh tus 10 tàm 15 [òn làng bol kòn cau pah nam geh mờr 10 nă ùr bơklao bao kờ`.

Bơta do bal mờ bơhiàn deh kòn gal, neh lơh khà kờp làng bol tàm do gơguh mhar ngan, gơs là 1 tàm ală bơta lơh gơbàn ờ tơl ù lơh sa, kal ke tàm broă tơmù khà hìu rơ[ah. Bu\ lah nam 2014, UBND càr Gia Lai neh tam gơl 114 lồ ù brê kờ` ai 98 hìu in, mơya tus tu\ do, broă lơh sa bơh ală hìu do gam kal ke ngan. Lơh ngan kờ` tơmù broă bao gờ` tàm càr do gam tìp uă ngan bơta tơlòng. Lo\ Nguyễn Thị Huệ, kuang bàng lơh broă đah Tư pháp xã Ia Le pà g^t:

-Tàm pơrjum 50 nă cau, mìng geh bơh 25 tus 30 nă cau wă. Xã geh gal jơi bơtiàn kòn cau, ờ mìng kòn cau Jarai, geh bal kòn cau Nùng, Tày, Dao tai. Dùl bơnah là tài kis tàm tiah sar lơgar ngài. Bè [òn Ia Joy, Ia Ble ờ wă ngan. Kuang bàng lơh broă đah Tư pháp xã mìng geh 2 nă cau lơh broă, mờ là cau yoan tai den tàng broă lam sồr ờ geh cồng nha uă.

Tu\ do, Gia Lai là càr geh khà cau bao gờ` uă ngan gùt lơgar dê. Jăt Ban Dân tộc càr Gia Lai yal, nam 2016, gùt càr geh 826 nă cau bao gờ`; nam 2017, khà do neh tus 1339 nă. Khà cau bao gờ` ndrờm geh tàm ală kơnhoàl geh gal làng bol kòn cau bè Cư\ Sê, Cư\ Pưh, Cư\ Prông, Krông Pa, Phú Thiện. Tàm hơ\, mìng is kơnhoàl Krông Pa geh mờr 200 nă cau bao gờ` pah nam.

Jăt ồng Ksor Y Ngông, Kuang atbồ phòng Dân tộc kơnhoàl Cư\ Pưh yal, kờ` rơndăp broă tơmù ờ uă ngan broă bao gờ` mờ bao rềp jơi nòi bal tàm tiah làng bol kòn cau, tơngai bơh nam 2015 tus 2025 mùl màl geh cồng nha, ală kơnhoàl, ală xã pal lơh pràn rơlao tai:

-Ală gah, mpồl lơh broă, bơh càr tus kơnhoàl, hơ\ sồng tus tàm xã lam sồr tus mờ làng bol kòn cau, us tàm tiah sar lơgar ngài, tiah kal ke g^t bè bơta niam chài rơgơi. Phòng Dân tộc pơgồp bal mờ phòng Tư pháp anih pờ tơl^k jơnau đơs mờ sơnđio rùp càr bơyai lơh tam bao, ai bơta niam chài rơgơi bal lơgar Việt Nam dê tus mờ làng bol. Ùr bơklao lơi bao gờ`, jào gơnoar atbồ xã lơh glài. Gơnoar atbồ xã ờ lơh nền nòn den kung pal geh broă lơh glài.

Cau cih mờ yal tơng^t Ndong Brawl