VOV4.K’ho- Mho òr 16/7, Pôs đồng ling sền gàr tiah nhàr lơgar Mpồng nhàr lơgar Dak Ruê neh lam Mpồl lơh broă tus tơn tàm ù tiah xã tiah nhàr lơgar Ea Bung, kơnhoàl Ea Súp, càr Dak Lak dê nàng kham kòp mờ pà sơnơm ờ sa priă ai ală cau chính sách in.

Mpồl lơh broă bơh Pôs đồng ling do dê neh tus tơn tàm hìu còp să, kham kòp, pà sơnơm ai Mè Việt Nam khin cha jak chài là mè Dương Thị Liễu in; bal mờ 11 nă cau ling sồt să, cau ling kòp tê jê să mờ ală kơnòm bơsram geh rài kis kal ke geh Mpồl ling sền gàr tiah nhàr lơgar dờp ròng siam sền gàr tàm broă lơh “Dong kờl oh lòt bơsram”.

Broă lơh do gơ ơm tàm ală broă lơh mờ mpồl ling do dê lơh di dơ\ tơngkah 71 nam Ngai Cau ling sồt să- Cau ling chơ\t màng, wèt tus tơngkah 60 nam Ngai crơng gơs Mpồl ling sền gàr tiah nhàr lơgar 3/3/2019 mờ 30 nam Ngai Jơh gùt làng bol sền gàr tiah nhàr lơgar.

Cau mblàng Lơ Mu K’Yến