VOV4.K’ho- Drim ngai 16/5, ling klàng mờ làng bol kơnhoàl bồt Trường Sa, càr Khánh Hoà neh duh hồl ur ar lòt tĕ khà pồ Kuang bàng Quốc hội khoá XV mờ Kuang bàng Hội đồng Nhân dân ală kấp tơngai lơh broă bơh nam 2021- 2026. Cau tĕ khà tàm 2 xã bồt Sinh Tồn mờ Song Tử Tây, thị trấn Trường Sa lòt tĕ khà gờñ.

Mìng is, tiah đùh sră gơwèt thị trấn Trường Sa, bồt Trường Sa dờng dê mờ 3 tiah đùh sră gam wơl tàm kơnhoàl bồt Trường Sa gơ ơm tàm ù gờl kung gam bơyai lơh tĕ khà jăt di tơngai ai là ngai 23/5 sơl. Tŭ do, ù tiah bồt Trường Sa sơnđờm geh tơngai duh, uă bồt, anih bồt tìp uă kal ke tàm broă ơm kis. Ling klàng mờ làng bol tàm ală bồt neh bơsong kal ke, rơcăng niam ai broă lơh tĕ khà in den tàng dơ̆ sơnđờm mŭt lơh mờ broă lơh đùh sră tàm ală anih tĕ khà geh lơh niam, ƀươn mờ di broă rơndăp lơh. Tàm ƀùi drim, uă anih bồt neh lơh sir broă đùh sră.

Cau mblàng Lơ Mu K’Yến