VOV4.K’ho - Mho òr (16/11), tàm Hà Nội, geh bơyai lơh pơrjum tơn jơh broă pơgồp bal lơh broă đah Ban Dân vận Dà lơgar mờ Ban cán sự đảng Ủy ban Dân tộc tơngai bơh nam 2016 tus 2020 mờ kĭ hơ lơh broă pơgồp bal tơngai bơh nam 2021 tus 2025.

Bí thư Đảng Dà lơgar, Kuang atbồ Ban Dân vận Dà lơgar mò Bùi Thị Minh Hoài mờ Bộ trưởng Chủ nhiện Ủy ban Dân tộc ồng Hầu A Lềng đơng lam bal pơrjum. Tàm pơrjum, bàr anih lơh broă neh ring bal broă pơgồp bal broă lơh tơngai bơh nam 2021 tus 2025 mờ ală tơngu me kuơ màng bè: Kơlôi sơnơng dong kờl Bộ Chính trị, Ban Bí thư bè ală gùng dà broă lơh bè broă kòn cau, broă lam sồr bal mờ làng bol kòn cau tàm bơta pa; Dong pơlam nàng lơh gơs kơrnoăt boh lam jơh ală nùs nhơm, gùng dà broă lơh bơh Đảng dê bè broă lam sồr làng bol tàm tiah làng bol kòn cau jăt mờ jơnau cih tàm Nghị quyết pơrjum dờng dơ̆ 13 Đảng dê.

Cau mblàng Ndong Brawl