Poh lài, tàm Hà Nội, Mpồl duh broa\ kòn cau, Anih duh broa\ bè ala\ bơta mpồl bơtìan  bơh Gơnoar  ala  mat dà lơgar geh bơyai lơh dơ\ ho jơnau lùp bè bơta mut lơh ala\ gùng dà broa\ lơh, adat boh lam bè tơmù rbah tus mờ làng bol kòn cau tơngai bơh 2005-2012. Ala\ bơta geh gơ rềng bal tus broa\ lơh tơmù rbah neh geh  cri bơyai, đơs pơnđik, mblàng nền nòn ngan tàm dơ\ pơrjum do.

Đơs tàm dơ\ pơrjum mblàng, mò Trương Thị Mai kuang atbồ Anih duh broă ală bơta mpồl bơtiàn bơh Gơnoar ala măt dà lơgar dê đơs tờm: Tàm ală nam do, Đảng mờ Dà lơgar sùm lời bơta sền gròi uă ngan tus broă lơh tơn jơh jơgloh tơr mù rbah mờ bơtàu tơnguh lơh sa-mpồl bơtiàn tiah làng bol kòn cau mờ tiah kơh bơnơm, tiah sar lơgar ngài, tiah kal ke mờ uă kal ke.“ Tus tu\ do, gơtùi đơs tờm mờ jơnau đơs lam dipal ngan bơh Đảng dê, bơta lơh ngan jơh nùs bơh jơh ală anih lơh broă gùng dră bal dê, bơta lơh ngan bơh làng bol gùt lơgar mờ làng bol ală kòn cau kung bè cau rbah dê, Việt Nam neh lơh geh ală cồng nha dờng ơnàng ngan mờ geh bơta kuơ dờng màng ngan”. Mò Trương Thị Mai neh đơs loh bè hơ\.

Bulah bè hơ\, mò Trương Thị Mai đơs là: Bơta tơrmù rbah tus mờ làng bol kòn cau kung gam là dùl bơta kờn pal geh bơta sền gròi tơr gùm bal pràn kơldăng rlau tàm tơngai tus. Khà hìu rbah tàm làng bol kòn cau gam tàm khà jơnhoa, tus khà uă ngan tàm kờp jơh khà cau rbah bơh gùt lơgar dê.

Bè khà kờp, làng bol kòn cau geh tus 15% khà kờp làng bol gùt lơgar, mơya geh pơgăp 47% tàm kờp jơh khà cau rbah ( jăt sră kờp nam 2010)

Pram tiah geh khà làng bol kòn cau rbah tàm khà jơnhoa, hơ\ là: Tiah kềng dà lềng đah jum tàm gùl lơgar tus 78%, Tây Nguyên tus 76%, tiah kơh bơnơm đah tô măt tơngai mu\t dà lơgar geh tus 72%, tiah kềng dà lềng đah tô tàm gùl lơgar 71%, tiah kơh bơnơm đah tô măt tơngai lik dà lơgar geh tus 64%. Khà rbah gơ wèt cau do bơh làng bol tàm ală ntum, kơnhòal uă kal ke geh tiah gơguh tus bơh70-80%.

Tam dơ\ pơrjum mblàng do, mờ bơta tus bal bơh kuăng bàng đơng lam bồ uă gah sơnah lơh broă là kuăng bàng lơh broă tàm Gơnoar atbồ lơgar, ală kuăng bàng Gơnoar ala măt dà lơgar geh uă jơnau lùp, lơh loh kơnòl broă đơng lam ătbồ tàm ală kơnă bơh dà lơgar tus [òn lơgar tàm tu\ mu\t lơh broă lơh ătbồ bè tơr mù rbah.

Ală broă tờm là: Broă lơh bơ\t bơtàu, ai ngui mờ lam mu\t lơh gùng dà broă lơh, kơr nuăt boh lam; lùp sền tơr gùm kờp, gi\t cau rbah, lam tơr gùm, tam pà priă jền, lùp sền mờ sền sơ wì.

Bal mờ hơ\, kờn pal lơh loh ală jơnau tờm nàng brồ guh bơta pràn is, bồ tơngoh lơh is bơh làng bol kòn cau dê.

Tàm dơ\ pơrjum mblàng, ồng Giàng Seo Phử kuang atbồ Anih duh broă kòn cau Gơnoar atbồ lơgar dê pà gi\t, broă ai priă jền ai ală broă lơh dong kờl kòn cau ờ hềt lơh geh ală jơnau kờn ai tơlik. Uă ngan ală tiah geh làng bol kòn cau là ală càr rbah, den tàng ờ geh tơl priă jền nàng ai, mờ uă ngan là kơnờm tàm priă jền dà lơgar dê.

Jăt ồng Giàng Seo Phử, kờn tơr gùm kờp jơh, kờp sền wơl ală broă lơh dong kờl tu\ do kờn lời te\ ală broă lơh ndrờm bal, lơh wil lơh wơl. Bơh hơ\, bơtơl, tam gơl ală gùng dà broă lơh ờ gam dipal. Bal mờ hơ\ tơr mù ală broă lơh jơnau kờn dà lơgar, jàu ală broă lơh dong kờl ai ală gah sơnah lơh broă dà lơgar atbồ jăt gơnoar broă in.

Tàm jơnau yal bơh he dê, mò Phạm Thị Hải Chuyền kuang atbồ Gah lơh broă cau ling sồt să mờ mpồl bơtiàn dà lơgar đơs tờm: Bơta geh ngan ai go\, priă jền mu\t lơh broă lơh rah rài ờ hềt tơl pràn. Jăt kờp sền, geh rlau 100 sră nggal broă lơh dong kờl tu\ do mơya priă ai lơh ờ geh tơl.“ Broă dong kờl gơ jăt bal mờ broă lơh, rơndăp broă lơh jăt tu\ tơngai mờ ờ hềt wèt tus cau geh dờp ngui, den tàng bè hơ\, tu\ tơn jơh broă lơh, rơndăp broă lơh, jơnau kờn ai tơlik ờ hềt mu\t lơh geh, bè broă lơh 134, 135”. Hơ\ là jơnau mờ mò Phạm Thị Hải Chuyền kuang atbồ Gah lơh broă cau ling sồt să mờ mpồl bơtiàn dà lơgar pà g^t.

Mò Phạm Thị Hải Chuyền pà g^t tai: gam uă broă dong kờl tơn tus mờ hìu rbah, dùl ết broă dong kờl làng bol bòn lơgar den tàng lơh geh bơta tàm pơndrờm tàm làng bol mờ ờ hềt chul chồl geh cau rbah, tiah rbah jơh nùs lơh ngan lik klàs rài kis jơgloh rbah.

Mò Trương Thị Mai kuang atbồ anih duh broă ală bơta mpồl bơtiàn bơh Gơnoar ala măt dà lơgar đơs loh: “ Kờ` pal geh ală broă lơh geh bơta dờng màng lơh tờm, lơh nền nàng mu\t lơh tơr mù rbah geh cồng nha rlau tus mờ làng bol kòn cau tàm tơngai tus, ngan là tơngai tơnơ\ nam 2015-2020”

                                                Cau mblàng Lơ Mu K’ Yến.