VOV4.K’ho-Ală chi giáng hương gơ wèt mpồl 1 dơm chi kuơmàng ngan dơm chi dờng ngan geh sền là “phan kuơ” du\t ndơl bơh brê kròng Tây Nguyên dê. Tu\ do, ală chi giáng hương gam wơl mìng tàm kơnhoàl Kbang, càr Gia Lai. Mơya, ală chi do gam gơtìp koh kơl aniai pah ngai mờ gam ơm tềng đap jơnau pơhìn digơlan ờ gam tai.

Jat jơnau pơlam gùng bơh làng bol tàm do dê, bol a` lòt jat gùng brê dềt tềng hơđơm m[ur chi brê gơ wèt Tiểu khu 82, bă brê bơh Công ty TNHH MTV lâm nghiệp Krông Pa, kơnhoàl Kbang, càr Gia Lai dê atbồ. Do là bă brê gam uă tờm chi giáng hương dờng ngan.

       Dùl tờm chi giáng hương dờng geh tờm ơnàng tus bàr pe thơk neh gơtìp kơl

Tơnơ\ pơgăp 3 jiơ lòt tàm gùng brê, tiă dà croh, re dà dờng, bol a` sơnđờm lòt tus geh tàm ală tiah geh chi giáng hương neh gơtìp kơl, òt mpàn. Geh ală tờm chi dờng tus bàr pe thơk gơtìp kơl, sề rơnđòt òt gam pa ngan. Geh tờm chi tơnơ\ tu\ òt gơ pừ, bol koh kơl aniai brê rơ\p mìng pa ai geh nggu lơm, tờm tus cồng den kung gam lời ơm wơl tàm tiah òt hơ\. Ơm ntàu rềp mờ dùl tờm chi giáng hương tờm dờng rlau 2 thơk pa gơtìp òt, cau lơh báo geh dơ\ lùp mờ dùl nă làng bol tàm do là cau neh lam gùng:

Tờm chi do bol koh kơl aniai brê dan mờ ală cau sền gàr brê lah ờ? Khi pà git:

Dan mờ cau kuang hơ\, ală cau lơh broă dềt tàm do ờ go\ cau lơi khin ờ. Tàm do, lơh brê den khi lơh bal. Cau kuang ai lơh den hơ\ sồng geh lơh, ai dilah ờ ai den ờ go\ khin cau lơi lơh ờ.

                                      Kơl dơm chi òt mpàn tàm brê

Sơlơ lòt jrô tàm bă brê Tiểu khu 82 bơh Công ty TNHH MTV lâm nghiệp Krông Pa atbồ, khà tờm chi giáng hương gơtìp kơl sơlơ uă. Tàm do, dilah kờp bal tờm chi gơtìp kơl bơh lài mờ pa kơl, den geh tus gi\t nđờ jơ\t tờm chi giáng hương dờng neh gơtìp kơl, geh chi gơtìp tờ tơn bal mờ nggu, tờ jơh bal rơyas chi.

Jat ồng Võ Ngộ, Kuang atbồ Cty TNHH MTV lâm nghiệp Krông Pa yal, tơrgùm kờp nam 2015, tàm bă brê bơh công ty dê atbồ geh rlau 400 tờm chi giáng hương dờng. Tus lồi nam 2018, khà ală tờm chi geh săp tàm khà phan kuơ màng brê kròng do mìng gam ờ hềt tơl 300 tờm lơm mờ gam gơmù mhar ngan tàm ală nhai bồ nam 2019 tu\ càr koh kơl chi giáng hương gơ gơs duh hồl.

                  Dùl tờm giáng hương dờng pa gơtìp òt mờ ai jơh te\ dơm chi

Tềng đap jơnau đơs, đơs là geh bơta ờ niam, geh bơta dong kờl bơh mpồl sền gàr brê gơ wèt công ty dong bol koh kơl aniai brê kơl dơm chi brê, ồng Võ Ngộ đơs là, geh lơh loh làng mờ bơsong krà`.

Tu\ mờ broă gơlik geh, kuang đơng lam bồ kơnhoàl neh hòi oh mi rê nàng sền tìs di. Dilah sền go\ geh jơnau ờ aniam den bol a` geh sền tìs di, halà ờ ai lơh broă tai, tài bơh do là mpồl cau lơh broă. Halà a` geh dan mpồl kuang àng lùp khàu nàng yal yă.

      Geh tềl tơngo\ geh bơta tam pìt ù tiah kơl dơm chi giáng hương

Ồng Võ Văn Phán, Chủ tịch UBND kơnhoàl Kbang, càr Gia Lai pà gi\t, tàm ală nam 2016- 2018, broă mus kơl chi giáng hương dờng tàm ù tiah do geh gròi sền kung niam sơl, khà chi gơtìp kơl mìng dùl êt lơm.

Mơya, ală nhai bồ nam, bơta mus kơl gơlik gơs duh hồl ngan mờ kơnhoàl neh sồr ală mpồl lơh broă geh gơnoar krà` cê jơh nùs tus bơsong broă do. Bơh hơ\ neh sền go\ mờ ku\p geh bàr pe nă cau geh gơrềng. Kơnhoàl gam pơn jat tai sồr lùp khàu, lơh loh mờ jòi ku\p jơh ală mpồl cau dilah geh gơrềng tus broă mus kơl ală tờm chi giáng hương kuơmàng do.

Kơnhoàl neh lòt tus tơn tàm hơ\ mờ neh jàu kuang àng, mpồl ling kơnhoàl, kiểm lâm bal mờ xã lòt sền tơn tàm tiah mus kơl. Mờ pa do neh ku\p geh dùl nă mờ gam lùp khàu nàng lơh loh mpồl cau lơh tìs gơ sơnđờm gơlik bơh lơi mờ cau tờm lam bồ tàm anih lơi. Gùng dà kơnhoàl dê là bơsong jơh, lơh tus geh.

                         Broă tus tàm tiah kơl chi giáng hương là kal ke ngan

Brê Kbang là tiah dùl lơm tàm Gia Lai gam ală tờm chi giáng hương dờng bal mờ tờm dờng ơnàng pơgăp bàr pe thơk bơtuah gam wơl. Tàm tu\ hơ\, tu\ do, priă jền bơh dơm chi giáng hương dê gam uă ngan, bal mờ rlau 100 tơlak dùl mét khối, bol koh kơl aniai brê gam jòi tơl ală bơta nàng mus kơl ală dơm chi kuơ mờ priă jền tơl tờm chi digơlan gơguh tus bàr pe tơmàn. Dilah ờ geh ală gùng dà broă lơh krà` cê jơh nùs, den ờ jo\ tai ală tờm chi do geh ờ gam tai, ală phan kuơ du\t ndơl bơh brê kròng Tây Nguyên dê geh roh thit te\.

                                Cau mblàng Lơ Mu K’Yến