VOV4.K’ho – Tài bơh aniai bơh mìu càl rbu\t dờng sồ 12 dê, gơl gùng rơndeh 27C, tàm tơrbo\ bal đah 2 [òn dờng: Dà Làc mờ Nha Trang neh gơtìp tơrlah kung gam gơtìp kòl gùng uă ngan sơl, digơlan pal roh bơh 2 tus 3 ngai tai den hơ\ sồng gơtùi lòt rê wơl.

Cục atbồ gùng tiah sồ 3 gơ wèt Tổng cục Gùng tiah Việt Nam gam pơgồp bal mờ 2 càr: Lâm Đồng mờ Khánh Hoà jơh nùs lơh niam broă lơh bơsong jơh gùt ngai mang sùm.

Jat Cục atbồ gùng tiah sồ 3 yal, bulah ală mpồl lơh broă geh gơnoar neh ai uă ngan măy mok, rơndeh rơndồ tơrgùm bơsong, lơh niam wơl ală tiah gơtìp tơrlah, bồr gùng jơh bal bơh 2 đah Lâm Đồng bal mờ Khánh Hoà, mơya tài bơh geh uă ir tiah mờ ù lu\, chi chi gơ pồ tơ\p bal uă ngan den tàng broă lơh tìp uă ngan kal ke. Tus 10 jiơ mang ngai òr 5/11, kung gam rlau 7 tiah gơtìp tơrlah ù mờ bồr tơ\p tàm jơh gùt gơl gùng ờ hềt geh ală mpồl lơh broă geh gơnoar tus lơh niam wơl.

Cau cih mờ yal tơngi\t- Lơ Mu K’ Yến