Kờñ mhar dong kờl cau ùr mờ kơnòm dềt kal ke tài bơh kòp Covid-19
Thứ tư, 07:47, 20/10/2021

VOV4.K’ho- Tàm jơnau yal pa do bơh Văn phòng Chính phủ, Phó Thủ tướng ồng Lê Minh Khái sồr gờñ lơh gơs broă lơh nàng dong kờl cau ùr, kơnòm dềt gơtìp kal ke tài bơh kòp Covid-19.

Chính phủ sồr Bộ Lao động, Thương binh mờ Xã hội pơgồp bal mờ ală bộ, gah lơh broă gơrềng bal mhar lơh gơs jơnau yal mờ rơndăp broă Nghị quyết bơh Chính phủ bè broă do. Bè broă dong kờl cau dùl nă să, hìu nhă gơtìp kal ke tàm rài kis tài gơtìp bơh kòp Covid-19 rê hờ ƀòn lơgar ơm kis, geh càn priă sa priă cồng ờ uă nàng lơh broă sa, kă bro, Phó Thủ tướng jào Bộ Kế hoạch mờ Đầu tư pơgồp bal mờ Bộ Lao động, Thương binh mờ Xã hội, Ngân hàng Chính sách xã hội mờ ală anih lơh broă gơrềng bal kơlôi sơnơng, pơgồp bal jơnau đơs tơrgùm bal tàm broă brồ guh mờ tơnguh bơtàu lơh sa, mpồl bơtiàn, jơnau yal tus mờ gah lơh broă geh gơnoar in sền mờ kĭ kơrnoăt.

Cau mblàng Ndong Brawl

Tags:

Viết bình luận

TIN CÙNG CHUYÊN MỤC