VOV4.K’ho - Bàr nă kơnòm bơsram tàm ƀòn dờng Kon Tum, càr Kon Tum geh gŏ mờ virus Sars KoV-2 là kơnòm bơsram ơdŭ 3 mờ ơdŭ 5 bơsram tàm hìu bơsram kấp 1 Hoàng Văn Thụ, sơnah ƀòn Kuyết Thắng.

                         Cau mè bèp lòt rò kòn bơh hìu bơsram kấp 1 Hoàng Văn Thụ

Tơnơ̆ mờ tŭ geh jơnau yal, Hìu sơnơm ƀòn dờng Kon Tum neh bơyai lơh ai phan xét nghiệm gơwèt mờ jơh ală kơnòm bơsram bal mờ cau pơgru geh măt tàm hìu bơsram. Ală cau pơgru kung geh lùp cau mè bèp geh kòn bơsram bal tàm ơdŭ mờ 2 nă bơyô geh F0 do rò kòn rê, tam cah is ing mờ bơto sồr ală cau mè bèp tus hờ hìu sơnơm tàm ƀòn ơm kis nàng yal broă lơh sơnơm mờ lơh jăt broă xét nghiệm ai kòn in. Tềng đăp mờ broă gơtìp cau F0 là kơnòm bơsram tàm hìu bơsram, bal mờ jơnau bơto sồr mhar lùp sền, jòi ală cau gơrềng bal nàng kơrian kòp gơtờp tàm uă tiah, UBND ƀòn dờng Kon Tum kung neh geh kơrnoăt ai kơnòm bơsram tàm hìu bơsram kấp 1 Hoàng Văn Thụ ơm ing bơsram tàm hìu bơsram mờ tam gơl bơsram pờ tơlik tàm internet nàng rơcang sơndră mờ kòp gơtờp.

Cau mblàng Ndong Brawl