VOV4.K’ho- Tơnơ̆ mờr nggùl nhai lơh broă kờp sền, bơt bơtàu gùng dà broă lơh, ngai 04/8, càr Kon Tum neh geh broă rơndap lơh ngan ngồn sac rơwah wă 1 rơbô nă cau rê bơh tiah kòp tiah đah Jum dà lơgar dê, tàm hơ̆ geh: ƀòn dờng Hồ Chí Minh mờ 2 càr Bình Dương mờ Đồng Nai rê tàm càr.

Jat hơ̆, UBND càr Kon Tum geh sac rơwah wă rê dơ̆ 1 là 1 rơbô nă cau. Cau geh ai rê lài là làng bol jơi bơtiàn kòn cau, cau gơwèt hìu bơnhă rƀah, cau dờng sơnam; cau ùr geh bun, kơnòm dềt; cau lòt kham kòp, sơm kòp, cau lơh broă roh broă lơh mờ kơnòm bơsram, cau bơsram dờng. Nàng broă wă cau rê tàm càr gàr niam bơta ờdo ờdă, ngan là tàm broă rcang sơndră kòp Covid-19, tŭ do ală tiah bơh càr Kon Tum dê neh rcang lài nàng cau rê in geh ai ơm yah ngài di mờ jơnau sồr. Bơh kờp sền bơh sơnrờp gùt càr Kon Tum geh mờr 4 rơbô nă cau gam ơm kis mờ lơh broă tàm ală càr tiah đah Jum dà lơgar dê geh jơnau kờñ rê wơl tàm càr.

Cau mblàng K’Hạnh