VOV4.K’ho-Tàm ală kơnhoàl ù tiah gơ wèt tiah kal ke uă ngan ir tàm càr Kon Tum, bal mờ rơcang lài phan bơna hìu bơsram, cơldu\ bơsram, phan ngui bơto bơtê ai nam bơsram pa in, den gam dùl broă tai pal lơh mờ kung gơlơh kuơmàng ngan hơ\ là rơcang lài anih ơm anih sa ai ală kơnòm bơsram ơm sa ngai tàm hìu bơsram.

Rê wơl tai mờ Hìu bơsram Phổ thông kòn cau ơm sa ngai tàm hìu bơsram kấp hai Đăk Long tơnơ\ ngai ơm rlô bơkang, oh La Thanh Tú, kơnòm bơsram ơdu\ 8, tàm [òn Kon Chốt, xã Đăk Long, kơnhoàl Kon Plông geh tìp wơl gơ\p bơyô, cau pơgru.

Bơta chờ hờp bơh Tú dê gơlơh bè sơlơ gơguh uă tai tu\ mat tờm tơn sền go\ hìu bơsram cơldu\ bơsram ngan là anih ơm anih sa bơh oh dê mờ ală bơyô dê neh geh cau pơgru tă uă dà kơlhề rơcang lài wil tơl ngan.

Tu\ mu\t tàm hìu bơsram, bol kòn sền go\ cau pơgru neh tus gal ngan. Hìu bơsram cơldu\ bơsram sàng kloh ngan, jơh ală bơta rơndăp tăp sèng niam ngan. Kòn gơlơh chờ hờp ngai tài bơh cau pơgru neh rơcang lài uă ngan bơta, bè sră măy sră cih den tơl ngan.

Hơ\ sồng cơldu\ bơsram kung sàng kloh ngan rơndăp tăp sèng ngan. Hìu tru\ gơm phan sa ai bol kòn in kung wil tơl ngan. Kòn iang nùs ngan bè broă ơm kis mờ ơm sa tàm hìu bơsram tài bơh geh bơta kờ` gơboh bơh cau pơgru dê uă ngan.

Nam bơsram pa 2018- 2019, hìu bơsram Phổ thông kòn cau ơm sa ngai Kấp hai Đăk Long geh 134 nă kơnòm bơsram ơm sa ngai tàm hìu bơsram tàm kờp jơh khà rlau 160 nă kơnòm bơsram tàm jơh gùt hìu bơsram.

Klau pơgru Vũ Kim Đạt, Phó Hiệu trưởng Hìu bơsram pà gi\t, jơh ală kơnòm bơsram ndrờm là oh kòn làng bol kòn cau Sơdàng lơm, rài kis hìu bơnhă kal ke ngan. Hìu ală oh dê ơm ngài ngan mờ hìu bơsram, geh [òn, bè: Kon Ke, Kon Xủ ngài tus 15, 20 kơi sồ.

Nàng ală kơnòm bơsram iang nùs mu\t tàm nam bơsram pa, Mpồl atbồ hìu bơsram lời uă ngan tu\ jiơ, bơta pràn bal mờ dà kơlhề rơcang lài niam ngan tơl ngan anih ơm anih sa ai ală oh in.

Lài mờ tu\ wa\ rò kơnòm bơsram lòt bơsram, den hìu bơsram neh rơcang lài tơl ngan phan bơna, bè là 2 tấn phe, cơldu\ ơm ai kơnòm bơsram in. Ală phan ngui bè ồi tơ\, kơmùng, jơnờng, bềl sền bal neh lơh geh tơl ai ală kơnòm in rơcang lòt bơsram.

Nàng lơh geh sùm ală dơ\ sa bơkah, kloh niam ờdo ờdă phan sa bơh 15 ki\ phe mờ 40% khà priă nhai cơ sở mờ pah nhai ală oh geh dà lơgar pà, Mpồl atbồ hìu bơsram mờ pơgru ală hìu bơsram kung pal lờu uă ngan nùs nhơm broă lơh ai broă do in.

Gơ wèt mờ ală hìu bơsram gùng lòt niam, den hìu bơsram rwah broă lơh ki\ pơrgon mờ cau kă phan pah ngai tăc phan sa ai hìu tru\ gơm phan sa in. Mơya, gơ wèt mờ ală hìu bơsram tàm tiah ngài gùng lòt kal ke den ờ dùl êt hìu bơsram pal jòi is phan sa bè puăc, ka, biăp sa blơi bơh tàm làng bol tàm tiah hơ\ tơn.

Bal mờ hơ\, jat ồng Phạm Văn Thắng, Trưởng Phòng Giáo dục mờ Đào tạo kơnhoàl Kon Plông, yal: ală cau pơgru tàm ală hìu bơsram gam pal rơcang lài bơta chài ơm kis boh bơr tàm tiah ơm sa ngai ai ală kơnòm bơsram in.

Phòng neh sồr ală hìu bơsram là tơrgùm bơto bơtê ală bơta chài ai ală oh ơm sa ngai tàm hìu bơsram in, ngan là ală oh dơ\ sơnrờp ơm sa ngai. Bơh ală bơta chài bè co\ sề, rào muh mat, sào sa, ơm kis, pơs wàs hìu đam, ơm kis boh bơr pah ngai ală hìu bơsram ndrờm jàu ală cau pơgru in bơto pơlam ală oh. Lam ală oh in lơh sươn tam biăp, ròng iar ada nàng geh puăc sa tàm ală dơ\ sa.

Nam bơsram pa 2018- 2019, kơnhoàl kal ke uă ngan Kon Plông, càr Kon Tum geh 19 hìu bơsram kòn cau ơm sa ngai, tàm hơ\ geh 10 hìu bơsram kấp một mờ 9 hìu bơsram kấp hai mờ kờp jơh rlau 2.100 nă kơnòm bơsram ơm sa ngai.

Bơta pal chờ hờp ngan là tàm nam bơsram pa nam do jơh ală hìu ơm, hìu bềp bơh ală hìu bơsram dê ndrờm geh lơh kơ\ kơl jăp mờ geh tơl phan ngui. Broă anih ơm anih sa ai ală kơnòm bơsram ơm sa ngai in geh gah bơto bơtê mờ bơsram tiah do sền gròi tơl ngan neh lơh geh bơta iang nùs mờ chờ hờp ngan ai jơh bal mè bèp mờ ală kơnòm bơsram in mu\t tàm nam bơsram pa.

Cau mblàng Lơ Mu K’Yến