VOV4.K’ho-Jơh gùt càr Kon Tum tu\ do geh rlau 546 rbô lồ brê geh is. Bơta geh ngan pà go\, broă lơh atbồ sền gàr bă brê do sùm bòl glar ngan, geh tu\ là ngòt rơngơ\t ngan. Mơya geh dùl jơnau gơlơh krơi is ngan tàm [òn Kon Pao Kram, xã Đăk Psi, kơnhoàl Đăk Hà hơ\ là broă 30 nă oh mi cau ùr tàm do lam lài tàm broă atbồ sền gàr brê.

Gơjat tàm bơta geh ngan, pah nhai kờp bal di pơgăp bàr pe dơ\, 30 nă oh mi cau ùr kòn cau Sơdàng tàm [òn Kon Pao Kram, xã Đăk Psi, kơnhoàl Đăk Hà tìp mat tai tàm Hìu bơyai tơr`a [òn dê nàng pơrjum cribơyai bè broă atbồ sền gàr brê.

Là dùl tàm ală cau jơh nùs ngan tàm mpồl, bi Y Hạnh pà gi\t, jơh ală oh mi cau ùr tus bal ndrờm gi\t wa\ loh làng ngan bơta kuơ mờ brê cèng wơl ai rài kis in, bơh hơ\ tam klac bal mờ gơ\p sền gàr brê.

Kuơ ai he in gơ dê. Gàr brê nàng geh dà, tiah ơm kis tơlir niam ờ [ơ\ [ơl. Sền gàr brê den oh mi cau ùr jơh nùs ngan mờ tam klac bal ngan mờ gơ\p.

Oh mi cau ùr [òn Kon Pao Kram cribơyai bal lài mờ tu\ lòt sền gàr brê

Nàng atbồ sền gàr geh brê tàm bơta “jơng ờ pràn, tê ờ sô”, 30 nă oh mi cau ùr tàm [òn Kon Pao Kram tàm bơto tơngkah bal mờ gơ\p, pal jòi geh bơta dong kờl bơh jơh ală cau tàm hìu bơnhă dê, ngan là bơklau geh să ja` pràn kơldang mờ gi\t ngan ù tiah [òn lơgar.

Lơbơn lơmư mơya kung jơh nùs ngan tàm gơnoar broă cau pơ ùr, cau mè, oh mi cau ùr [òn Kon Pao Kram  ờ mìng jà geh hìu bơnhă, mờ gam dờp geh bơta kờ` bal bơh jơh ală 74 hìu làng bol tàm [òn dê tus bal sền gàr brê. Bi A Thìn, dùl nă làng bol pà gi\t, tồr he neh kơno, nùs nhơm he neh gi\t den kờ` ngan broă lơh bơh pơ ùr dê.

Cau ùr đơs bơta kuơ brê dê, bơta kuơ brê dê là bol a` kung neh gi\t sơl. Hìu bơnhă a`, jơh dùl thôn bol a` dùl nùs ngan bal mờ oh mi cau ùr. Là bơklau jơh nùs nhơm kờ` lơm ală pơ ùr he dê in. Kơryan jơh ală cau mus brê ai ù lơh mìr, kơryan jơh ală cau mus aniai brê. Tơnơ\ do ùr bơklau cribơyai tai, ală oh mi, làng bol pal tam klac bal atbồ brê.

Geh bơta dong kờl bơh jơh bal [òn lơgar dê, oh mi cau ùr [òn Kon Pao Kram sơlơ pin dờn rlau tàm broă atbồ sền gàr brê. Bơh bơta rơcang ngac bơh ală bi dê, bol mus kơ`au brê ờ khin mu\t tai tàm [òn lơgar. Kơnờm bè hơ\ mờ mờr 400 lồ brê mờ ală hìu làng bol tàm [òn dờp atbồ sền gàr sùm geh gàr niam ờdo ờdă.

Bi Y Huy, Cau atbồ Mpồl cau ùr [òn Kon Pao Kram pà gi\t, bal mờ gròi sền, jat sền broă sền gàr brê tàm ală tu\ lòt lơh mìr, 30 nă oh mi cau ùr tàm [òn gam tam pà gơs 4 mpồl sùm lam lơh ală dơ\ lòt sền, drơng sền rơcang lài sền go\ ală broă lơh sơgràm aniai brê.

Jat bi Y Vân, Kuang atbồ Mpồl tam klac cau ùr xã Đăk Psi dê yal, broă 30 nă oh mi cau ùr tàm [òn Kon Pao Kram lam lài tàm broă atbồ sền gàr brê gam geh bơta kuơ dờng ngan gơ wèt tus mờ broă ring bal ùr klau.

Cau ùr he kung atbồ sền gàr brê sơl. Gi\t nàng gàr brê tai. Ờ mìng là cau klau lơm mờ geh bal cau ùr sơl. Tơnơ\ do nàng mblàng yal oh kòn, kòn sau in. Ờ mìng là kòn klau lơm, mờ geh bal kòn ùr kung geh atbồ sền gàr brê bè là atbồ sền gàr jơtài phan bơna he dê sơl.

Jơh ală bơta tam gơl bơh brê dê ndrờm geh oh mi cau ùr [òn Kon Pao Kram gròi sền krà` ngan

Xã Đăk Psi, kơnhoàl Đăk Hà geh gi\t nđờ rbô lồ brê geh is, ù tiah xã rềp nhàr tai mờ uă kơnhoàl, bè: Kon Braih, Tu Mơ Rông, Đăk Tô…Ồng A Sự, Phó Bí thư Đảng ủy, Chủ tịch UBND xã pà gi\t, bă brê tàm ù tiah xã dê sùm gơtìp bol koh kơl brê kờ` mus aniai. Bơh cồng nha broă lơh cau ùr tus bal atbồ sền gàr brê tàm [òn Kon Pao Kram, Đảng ủy, gơnoar atbồ xã Đăk Psi geh rề ơnàng lơh uă broă do tus 8 thôn, [òn gam wơl.

Tu\ do, bè broă lơh atbồ sền gàr brê tàm [òn Kon Pao Kram broă lòt sền jòi ku\p, oh mi cau ùr đơs bal cồng nha lam lơh niam ngan. Tơnơ\ do bol a` geh lam lơh uă broă lơh do ai ală oh mi cau ùr ală thôn ndai in.

Bal mờ bơta chờ hờp là broă lơh atbồ sền gàr brê dùl lơm mìng bơh cau ùr dờp lơh, 30 nă oh mi cau ùr kòn cau Sơdàng tàm [òn Kon Pao Kram, xã Đăk Psi, kơnhoàl Đăk Hà gam lơh geh dùl broă geh kuơ ndai, hơ\ là đơs nền geh gơnoar broă bơh cau ùr dê gơ wèt mờ ală broă lơh bơh [òn lơgar dê mờ lài do tồn lah mìng lời is ai cau klau in lơm!

Cau mblàng Lơ Mu K’Yến