VOV4.K’ho-Bơh priă càn mờr 15 tơmàn bơh Ngân hàng Bơtàu tơnguh châu Á dê mờ priă tă pơgồp bơh kes priă càr dê, Sở Kế hoạch mờ Đầu tư càr Kon Tum gam bơcri priă bơ\t bơtàu uă phan bơna tàm 2 [òn nhơl chờ [òn lơgar Plei Kon Bring, xã Đăk Long, kơnhoàl Kon Plông mờ [òn Plei Kon Kơ Tu, xã Đăk Rơ Wa, [òn dờng Kon Tum bal mờ jơnau kờ` lơh niam wơl phan bơna jat gùng dà dùl ròt bal nàng bơtàu tơnguh nhơl chờ [òn lơgar tàm 2 [òn kòn cau do.

Mơya, tơnơ\ tu\ bàr pe phan bơna bơh sơnrờp geh bơ\t bơtàu tơn, cau năc lòt nhơl, cau gi\t wa\ jrô bơta niam chài mờ ngan là cau lơh nhơl chờ niam chài [òn lơgar tàm tiah do neh geh ală jơnau đơs wơl pràn ngan bè uă phan bơ\t bơtàu bơh rơndăp broă lơh dê.  

Mìng tơnơ\ rlau 1 nhai mu\t lơh ngan ngồn, broă bơcri priă lơh niam wơl phan bơna ai bơtàu tơnguh nhơl chờ [òn lơgar in neh lơh 2 [òn nhơl chờ [òn lơgar Plei Kon Bring, xã Đăk Long, kơnhoàl Kon Plông mờ [òn Plei Kon Kơ Tu, xã Đăk Rơ Wa, [òn dờng Kon Tum gơ gơs tiah bơ\t bơtàu mờ uă ngan lu\, lòs, bràs, sơmang. Cau chài wa\ rùp là bi Kiều Đăng ơm tàm [òn dờng Kon Tum là cau sùm tam tìp mờ ală mpồl lòt nhơl geh jơnau đơs tơngo\ nùs nhơm ai lơh roh bơta gơn kơnờm ngan:

Lơh jơh lơm mờ bê tông bè do den ờ git lơh bơta lơi nàng ai gơ in gơlik bơta nhơl chờ. Năc lòt nhơl tu\ khi mu\t tàm hơ\ den khi đơs là wơh, `chi lơh do, lơh `chi lơi do? Lơh bê tông lah? Bè hơ\ den mu\t tàm do gi\t sền bơta lơi do? Jơ\t mpồl den jơh bal jơ\t mpồl ndrờm đơs bè hơ\ lơm.

Pơngàr Hìu rông [òn Plei Kon Bring lài mờ tu\ geh bơcri priă lơh

Geh bơcri priă bơh priă càn mờr 15 tơmàn bơh Ngân hàng Bơtàu tơnguh châu Á dê mờ priă tă pơgồp bơh kes priă càr dê, ală gùng lòt, broă [òn lơgar tàm 2 [òn Plei Kon Bring mờ Plei Kon Kơ Tu geh kơ\p gơn geh cèng wơl bơta [ươn, tơnguh uă bơta pràn jak gơhòi gơ jà năc lòt nhơl. Mơya, bàr pe phan bơna pa geh lơh gơs neh lơh năc lòt nhơl in gơlơh roh bơta gơn kơnờm tài bơh ù tiah [òn lơgar, hìu đam gơtìp lơh tơn roh jơh ờ gam di tai bè lài. Bè tàm [òn Plei Kon Bring, pơng gàr mờ chi sền bơkah mat ngan geh lơh glòm gùt dar Hìu Rông gơhờp ngan mờ ù tiah niam chài bơh [òn lơgar dê neh gơtìp tă sờr, sang sơrbì rơnhah rơnhơ jơh. Ala tàm hơ\ là dùl pơngàr lơh mờ bê tông mrềt ngan, ơm ntàu tam cah Hìu rông mờ bơnah gam wơl bơh [òn dê. Ai tàm [òn Plei Kon Kơ Tu, gùng ù ring niam ngan bơh tiah tờm [òn lam lòt tus tiah gah dà dờng Đăk Bla mờ ală sèng chi niam bơne\ ngan gơtìp mpồl lơh broă bơ\t bơtàu cò pơnring nàng lơh jơh mờ bê tông lơm. Bi Y Bông, dùl nă cau kòn bơh [òn dê kă bro homestay đơs ngan bè do, năc lòt nhơl tus tàm [òn ờ kờ` mờ ờ jòi ală bơta bè hơ\:

Khi kờ` bơta gam wơl bơh yau, rài kis ngềt ngơ\t niam bơne\ bơh [òn dê. Khi kờ` bơta dềt rơhền gơ dê. Gơ geh is gơ dê.

Bal mờ pơngàr lơh mờ bê tông ờ dipal ngan geh lơh glòm gùt dar Hìu rông [òn Plei Kon Bring, tàm [òn Plei Kon Kơ Tu cau gam bơcri priă lơh dùl [làng bê tông tềng đah Hìu rông ơnàng tus 730 thơk vuông. Do là dùl phan bơna lơh làng bol gơlơh ờ gơdan ngan tài bơh jơnau do: Pah tu\ lơh dròng cing mồng mờ tam ya xoang, ală nghệ nhân kòn cau Bahnar ndrờm lòt jơng gời ơm să kuh. Tam ya tàm bơnàng [làng lơh mờ bê tông kră ngan mờ duh ngan tu\ mat tơngai jroh là jơnau ờ go\ dùl nă cau lơi kờ`. Bơdìh hơ\ tai, broă sơmờm ir bê tông nàng lơh niam wơl phan bơna kung lơh ù tiah niam chài [òn ờs mờng bơh yau gơtìp aniai uă ngan. Ồng Nguyễn Đô Huynh, cau geh gi\t nđờ jơ\t nam lơh broă nhơl chờ niam chài [òn lơgar tàm càr Kon Tum gơlơh ờ suk ngan mờ đơs bè do:

Bơta bơcri priă niam ngan rlau jơh nàng ai nhơl chờ tàm ală [òn in là ală bi ờ go\ di bơcri priă lơh bơta lơi. Neh đơs bè hơ\ sơl mơya tu\ do khi kơldang nùs lơh gùng hơ\ sồng lơh pơngàr, lơh hìu jă brê lời mpờl tềng hơ\. Hơ\ sồng gah dà dờng niam bơne\ ngan cò, cò pơnring jơh den gam chi lơi tai nàng đơs là niam chài là nhơl chờ hơ\.

Pơngàr Hìu rông [òn Plei Kon Bring geh lơh pa

Tềng đap uă jơnau đơs wơl ờ bài kờ` ngan bơh mpồl bơtiàn dê gơ wèt mờ broă bơcri priă bơtàu tơnguh nhơl chờ [òn lơgar tàm 2 [òn Plei Kon Bring mờ Plei Kon Kơ Tu, ồng Trương Quốc Việt, Kuang atbồ Phòng Lơh sa lơh broă mờ lơgar ndai gơ wèt Sở Kế hoạch mờ Đầu tư càr Kon Tum mơkung là Phó Kuang atbồ Ban atbồ Rơndăp broă lơh dong kờl bơtàu tơnguh tiah nhàr lơgar càr Kon Tum pà gi\t, geh iat kơno jơh mờ geh lơh niam wơl.

Ală jơnau lơi mờ mpồl bơtiàn gam đơs den sồr ơm wơl ba` lơh tai. Dơ\ bàr tai kung gam sồr mpồl lơh broă geh gơrềng kờp sền wơl dùl dơ\ tai jơh ală broă geh gơrềng. Pal sền swì wơl tơrlòng sền rơndăp lơh bè hơ\ den gơ geh gơrềng sơl bơta lơi bè hìu đam ù tiah gùt dar tai halà ờ? Mpồl atbồ digơlan geh dùl dơ\ lơh broă tơn mờ tiah do. Dilah ală gah geh gơrềng ring bal mờ gơ\p den Mpồl atbồ pơn jat tai ai lơh tai. Dilah bè geh bơta lơi gam krơi is den tu\ hơ\ pal cribơyai nền nòn wơl.

Tàm kờp jơh mờr 15 tơmàn đong bơcri lơh niam wơl phan bơna jat gùng dà dùl ròt bal nàng bơtàu tơnguh nhơl chờ [òn lơgar ai 2 [òn Plei Kon Bring mờ Plei Kon Kơ Tu in, Sở Kế hoạch mờ Đầu tư càr Kon Tum neh tă rlau 1 tơmàn 200 tơlak đong ai broă lơh bơto pơlam bơcri priă bơ\t bơtàu. Jat Mpồl atbồ rơndăp broă do yal, uă dơ\ pơrjum mờ làng bol, uă dơ\ lùp lăp neh geh lơh niam mờ ờ ndơ\\p mpồn. Mơya, ndrờm bè jơnau niam chài ờ hềt ngan ngồn geh sền dờng màng tàm broă lơh nền ală phan bơna bơcri priă lơh. Bơta geh ngan pà go\, krơi mờ ală rơndăp broă lơh bơcri priă lơh phan bơna ờs mờng, broă bơcri priă lơh phan bơna ai jơnau kờ` bơtàu tơnguh nhơl chờ niam chài [òn lơgar kờ` pal geh lơh dùl bă kơrhia ngan, tài bơh dilah ờ lời gơlik geh jơnau geh ngan geh phan bơna mơya roh te\ bè bơta niam ù tiah [òn lơgar, hìu đam niam chài ờs mờng bơh yau.

Cau mblàng Lơ Mu K’Yến