VOV4.K’ho- Tơnơ\ dùl tơngai ờ huan geh, tàm ală ngai do tàm càr Kon Tum, pơneh tai tàm làng bol tu\ sền go\ jơnau làng bol tàm Tổ dân phố 3, thị trấn Plei Kần, kơnhoàl Ngọc Hồi, ngui che cáp poal lòt gan dà dờng nàng tus tàm tiah lơh sa. Bơh tài làng bol kung gam ờ ngòt sơl bơta ngòt rơngơ\t nàng poal che tiă gan dà dờng taih?

Tơnơ\ uă dơ\ lùp gùng, lồi du\t bol a` kung jòi geh di anih mờ làng bol tàm Tổ dân phố 3, thị trấn Plei Kần, kơnhoàl Ngọc Hồi pah ngai kung gam pòt che cáp lòt gan dà dờng Pô Kô.

Mò Nguyễn Thị Kim Liên, hìu ơm rềp kềng tơn gùng kơh lam lòt tus gah dà dờng, tiah geh dang che cáp nàng làng bol poal lòt gan dà dờng, pà gi\t:

“Pah ngai, cau poal lòt rê wih rê wơl kung uă sơl. Tu\ do, đah hơ\ tơrgùm lòt yòng jơh. Gùng lòt tus đah hìu măy pờ tơlik ồs đèng den kal ke lòt, tu\ do tơrgùm lòt gùng do, poal che cáp jơh”.

Nàng ờdo ờdă ai ală dơ\ pòl che cáp lòt gan dà dờng, làng bol sơn tơ\p jrong bê tông tàm kềng bàr gah dà dờng, ngui che cáp jòng 16 thơk tàm bơrkuăt mờ hàn tơmu\t bal mờ lòs den hơ\ sồng yồng hơđang tềng che cáp mờ 2 sèng kong lòs. Pah tu\ lòt gan dà dờng, kòn bơnus halà phan lơh gơs bơh sươn sre, phơng sih ơm tàm gu\ lòs. Mìng kờ` pal tă che kơ\t kơnờm geh bơta jơnhoa rơndăp lơh lin đah bàr gah dà dờng, gu\ lòs gơ pơrdô is tus rềp gah dà dờng đah ne.

Bu\ lah yal is là ko\ng geh mờ bơta kơ` jơ\ rlau 1 tấn, lơngăp lơngai ngan tu\ lòt gan dà dờng, mơya uă làng bol kung đơs sơl là, tài bơh bơta tam cah ngài đah bàr gah dà dờng tus mờr 100 thơk, dang che cáp bulah dờng kung gơlơh dềt mờ lơhơ ngan sơl ngan là tàm ală ngai geh mìu càl dờng hơ\ sồng dà tih jơn hang. Ồng Trần Dương Chấn, ơm tàm [òn Đăk Rế, xã Đăk Rơ Nga, kơnhoàl Đăk Tô, pà gi\t:

“Oh kòn mờ lòt bơsram, lòt drà blơi phan, lòt lơh sươn den ơm tàm hìu kung gơlơh ờ iang sơl. Kung bơtuah đau là tu\ do geh điện thoại. Hơ\ sồng rê, tus tàm hơ\ là yal bal mờ gơ\p in là neh lòt gan dà dờng halà ờ hềt, lơngăp lơngai sơl halà ờ, den hơ\ sồng ơm tàm hìu iang nùs.

 Ai dilah ờ là kung gơlơh rơngòt ngan sơl, kơlôi rơcang sùm, đơs ngan là dà dờng ơnàng ngan lòt tus đah ne ngài tus dùl rhiang thơk mờ bè hơ\ oh kòn, làng bol lòt gan kung là ngòt ngan sơl. Bol a` den là gơtùi re dà jai mơya cau kra, cau kơnòm den mbè gơtùi, den là kơlôi rơcang ngan, đơs ngan là ờ go\ iang nùs dùl êt lơi”.

Uă làng bol ơm tàm Tổ dân phố 3, thị trấn Plei Kần, kơnhoàl Ngọc Hồi mờ cau tờm atbồ bàr dang che cáp là ồng Đặng Trung Tá, hìu geh 10 lồ ù, tam kơphê, kau su, tiêu đah ne dà dờng Pô Kô đơs ngan bè do: jơnau pòl che cáp lòt gan dà dờng neh geh tus 10 nam do.  

Ồng Lương Tàm, hìu geh 4 lồ ù tam chi jo\ nam pà gi\t, jơnau bơh tài lơh ồng bal mờ làng bol tàm do pah ngai pal sac rwah broă pòl che cáp nàng lòt gan dà dờng, bulah kung gi\t sơl bơta ngòt rơngơ\t digơlan gơ aniai bè do:

“Tu\ do, rbàng lòs ngài ir lòt ờ gơtùi. Mìu den ờ gơtùi lòt, gùng kơh, ntiar, gùng bơnơm lơm dềt ngan, dềt bè do den mbè gơtùi lòt den tàng pal lòt gan gùng che cáp do, tài ờ gi\t lơh bè lơi. Bơdìh hơ\ tai, ờ gơtùi lòt khat dùl nơm gùng lơi ờ.

Lòt mù tus Tân Cảnh den hơ\ sồng geh gùng lòt rê. Bơh Ngọc Hồi mờ lòt tus Tân Cảnh lòt gùng jòng gi\t nđờ jơi kơi sồ mbè gơtùi lòt tus tàm do mờ gùng mìr den là ờ gơtùi lòt. Mìng geh gùng che cáp pòl do là ờdo ờdă. Làng bol bol a` tu\ do lòt bơh gùng pòl mờ che cáp do lơm”.

Sac rwah gan dà dờng Pô Kô mờ che cáp, làng bol tàm Tổ dân phố 3, thị trấn Plei Kần, kơnhoàl Ngọc Hồi ờ huan pal lòt gùng pơdar ngài rlau uă kơi sồ mờ gùng den kal ke ngan.

Mơya, do là bơta sac rwah ngòt rơngơ\t tài bơh broă lòt gan dà dờng mờ broă pòl che cáp nàng lòt gan dà dờng pah ngai bơh khi dê mìng geh kơnờm mờ bơh dùl dang che cáp lơhơ ngan tàm tu\ tềng đah hơđơm là hiòng dà dờng kàl prang den mpờl go\ jơh tơr è bềng lu\ liang lơm, ai kàl mìu den dà tih jơnhoa mờ jơnhhang ngan.

Kơno yal, tàm do neh geh tu\ gơtìp êt ngan kung là bơh 2 dơ\ rềs àr tu\ pòt che cáp lòt gan dà dờng, mơya bơtuah ngan là ờ go\ gơtìp aniai bè kòn bơnus. Bè jơnau geh ngan do, ồng Nguyễn Xuân Phượng, Chủ tịch UBND thị trấn Plei Kần, kơnhoàl Ngọc Hồi, đơs loh:

“ Nùs nhơm bơh thị trấn dê là ờ go\ sồr bơta do. Bơta do là dùl tàm ală gùng lòt geh lơh is bơh khi dê nàng lơh lòt gan dà dờng tu\ lòt lơh mìr, lơh sươn lơm. Ngan là gơ ờ go\ kơ\ kơl jăp ờ, gơ là sơbơng roh ngan tus mờ màng kis, ngan là tu\ kàl mìu tus.

Gơnoar atbồ tiah do kung gam pơgồp bal, lam sồr ală hìu làng bol do ba` ngui tai che cáp yồng nàng poal lòt gan dà dờng tai mờ pal lòt jat gùng rbàng yồng mờ dà lơgar neh bơcri priă lơh”.

Ồng Nguyễn Xuân Phượng kung pà gi\t, nàng gàr ờdo ờdă ai làng bol in pah ngai lòt tus anih lơh sa, gơnoar atbồ thị trấn Plei Kần gam bơyai mờ dùl mpồl lơh sa kă bro lơh hìu măy pờ tơlik ồs đèng tàm tiah do lơh dùl nơm rbàng ing mờ chi [ă gan dà dờng.

Mìng gơlơh pơlai ngan là bơta lơh bal bơh gơnoar atbồ tiah do dê là lơyaì ngan, tài bơh jo\ jòng sùm 10 nam do, pah ngai ờ dùl êt nă làng bol kung gam pòl che tàm pơrlòng mờ màng kis bơh he dê pah ngai pah tu\ lòt gan dà dờng!

Cau mblàng mờ yal tơngit Lơ Mu K’Yến