VOV4.K’ho - Gùt tàm ala\ nam tam lơh mờ Mỹ, càr Kon Tum la tiah tam lơh cui rcai ngan mờ ua\ dơ\ tam lơh, ù tiah neh gơmut tàm rài dà lơgar. 44 nam do tơnơ\ mờ ngai tơng klàs, Đảng bộ,  gơnoar atbồ mờ làng bol Kon Tum gam brồ guh pràn ngan tàm bơtàu tơngguh lơh sa mpồl bơtìan, bơt bơtàu rài kis boh gơbàn hờm ram. Bal mờ hơ\, gơnoar atbồ mờ ala\ mpồl bơtìan [òn lơgar, kung lơh ngan sền gròi tus  broa\ lơh bơto bơtê kờ` gơboh dà lơgar mờ bơhìan kac màng bơh ala\ dơ\ jai pha rài dà lơgar.

Tàm ala\ ngai bồ nhai 3, geh gal ngan ala\ kơnòm bơsram,  làng bol mờ cau nac tus tiah tềl kah yau tiah jơnhua 1015- Sạc ly mờ 1049-Delta gơ ơm tàm mpồl tiah tềl kah yau anih jơnhua đah mat tơngai mut Pô Kô, di xã Hơ Moong, kơnhoàl Sa Thầy, càr Kon Tum. Ồng Nguyễn Đức Thành, dùl na\ cau ling yau tàm xã Hơ Moong ai git,  bơh lồi nam 2017, tu\ 2 hìu bia  kah kơlôi ala\ cau ling chơt màng 2 tiah jơnhua do geh lơh,  khà cau tus  còp slơ ngai slơ  gal mờ bơta do geh lơh ồng ngoh rơngac ngan:

A` pal đơs la, Đảng dà lơgar sền gròi ngan, sền gròi mờ kis git jơnau git adat tus mờ ala\ rnàng cau bèp, bi lòt lài. Mờ kung la dùl jơnau bơsram nàng ala\ kòn sau rnàng tơnơ\ do git, sơnơng geh  jơh ala\ bơta mờ rài ồng bèp neh  sơrlèt gan nàng dà lơgar geh ngap lơngai, khat gơboh bè tu\ do.

Tiah jơnhua, 1015- Sạc ly mờ 1049 –Delta gơ ơm tàm ròt bơnơm Ngọc Rinh Rua mờ Ngọc Bờ Biêng, rềp nhàr bal mờ lơgar Lào mờ Campuchia, di kơnhoàl Sa Thầy, càr Kon Tum. Tàm do gơnoar atbồ Việt  Cộng hoà neh ai lơh pôs rcang gàr nàng  geh  broa\ lơh dong kờl he dê bơh đah tô mut đah jum mờ sền gròi đah tô mat tơngai mut thị xã Kon Tum. 2 tiah jơnhua do la ala\ tiah  kuơ màng pơ gồp bal tàm pôs rcang gàr bơh Mỹ nguỵ. Dơ\ tam lơh bồ sơnam pa kàl duh nam 1972 ling he neh  lơh ngan  lơh geh at gơnoar 2 tiah jơnhua do, lơh geh bơrnàng ja\ nàng ala\ mpồl mut tus tơng klàs Dak Tô- Tân Cảnh. Bơh ngai 30/3 tus 21/4/1972 tềng 2 tiah jơnhua do neh gơlik geh dơ\ tam lơh cui rcai ngan. Trung tướng Khuất Duy Tiến, kuang atbồ ling quân đoàn 3 lài do kah wơl:

Bol a` lơh 1015 do oh mi bol a` chơt  223 na\ cau sồt sa\ 107 na\ cau. Bol a` neh gơsơt Tiểu đoàn 11 jru` ju, jơh ala\ mpồl geh ai  dong kờl bơh khi dê tai di  rlau 500 na\ cau ling. Tu\ geh ting kup geh rlau 200 na\ cau ling cau. Kup geh jơh mờ Tiểu đoàn phó mờ ala\ sĩ quan. Gơsơt jơh Tiểu đoàn 11 ntru` ju.

 Nàng tiah tềl kah yau tiah jơnhua 1015-Sạc ly mờ 1049-Delta gơs la dùl tàm ala\ anih pơrhê bơto bơtê nùs nhơm kờ` gơboh dà lơgar mờ bơhìan kac màng, càr Kon Tum neh bơyai lơh ua\ ngan dơ\ cri bơyai,  tus sền, lùp sền, jòi cau lơh cơng, jòi ala\ phan bơna jơng kah bè dơ\  jai pha do. Tơnggu em la lơh rài dà lơgar gơ lơh niam rlau,  geh gùng rlau gơ hòi gơ jà` tơl cau, ngan la mờ cau rnàng kơnòm sa\. Bơh ala\ broa\ lơh bè hơ\,  [òn lơgar neh jà  geh ala\ cau sa\ tờm ngan gam kis  tus bal ala\ dơ\ tam lơh mờ gam prap ua\ ngan sra\ nggal kuơ màng. Bơta do neh dong ala\ rnàng deh dờng tàm tài ngap lơngai pah dơ\ tus còp tiah tềl kah yau go\ geh pơrya mờ slơ sền kuơ bơta kuơ bơh rài kis ngap lơngai tu\ do. Oh Quách Thị Lê Vi kơnòm bơsram hìu bơsram kấp 2 Phan  Đình Phùng, xã Hơ Moong, kơnhoàl Sa Thầy ngoh rngac đơs:

 Ngai do oh bal mờ gơp bơyô tus sền tiah tềl kah yau do nàng chu `àng ai ala\ cau ling chơt màng in mờ lòt sền. Oh gơlơh ngoh rngac ngan.

 Mờ oh Mai Thị Ái Quyên, boh bơr:

 Oh go\ la rài tam lơh cui rcai ngan. Bol oh kờ` pal bơsram ua\ rlau tai mờ geh lơh ngan  jơh pràn nàng lơh jat ala\ wa ala\ ồng.

44 nam tơnơ\ ngai geh tơng klàs, ala\ tềl pơ nời sồt bơh bồm mền rài tam lơh tàm ù tiah khin cha jak chài neh bời sồt. Bal mờ lơh ngan bơtàu tơngguh lơh sa bơtàu tơngguh rài kis làng bol, gơnoar atbồ mờ gah lơh broa\ geh gơnoar càr Kon Tum kung neh lời ua\ ngan bơta sền gròi nàng ala\ tiah tềl kah yau chồl guh geh bơta kuơ, ngan la tàm broa\ bơto bơtê nùs nhơm kờ` gơboh dà lơgar, bơhìan kac màng. Ồng Phan Văn Hoàng, Phó kuang atbồ Sở Văn hoá, Thể thao mờ Du lịch càr Kon Tum ai git:

 Mờ tiah tềl kah yau jơnhua 1015 mờ 1049, Sở Văn hoá, Thể thao mờ Du lịch kung  neh bơyai lơh lòt sền nàng mut lơh ala\ gùng nhơl chờ nàng yal tơnggit cau nac in tus sền. Sở kung neh  lơh bal mờ Sở giáo dục mờ đào tạo, Tỉnh đoàn mut lơh broa\ lơh ai tơnggu me rài dà lơgar tàm bơto bơtê tàm ala\ bùi ngoại khoá kung bè bơyai lơh ai ala\ oh in la kơnòm bơsram, cau bơsram dờng, đoàn viên ơruh pơnu rê tus tiah tờm tơnggu rơyas, kah wơl, kah ala\ cau ling khin cha  chơt màng.

 Tàm ala\ nam tam lơh mờ Mỹ, tàm tiah tam lơh Tây Nguyên neh geh 10 dơ\ tam lơh dờng den  mìng is tàm càr Kon Tum la tiah lơh geh 7 dơ\ tam lơh, hơ\ la dơ\ tam lơh Sa Thầy nhai pràng 1969, dơ\ tam lơh Đak Tô kàl mriềt nam 1967, Mậu Thân 1968, Đak Tô 2 kàl duh nam 1969, Đak Xiêng 1970,  dơ\ tam lơh ntàu tam dra\ Ngọc Tô Ba- Ngọc Rinh Rua sơnam pa kàl duh 1971 mờ dơ\ tam lơh đah tô Tây Nguyên kàl prang kàl duh 1972. Ala\ jai pha, ala\  ù tiah neh gơmut tàm rài kah yau dà lơgar sùm geh Đảng bộ,  gơnoar atbồ, làng bol Kon Tum sền kuơ, sền gàr gam dong ala\  rnàng kơnòm sa\ [òn lơgar ai bơto bơsram nùs nhơm kờ` gơboh dà lơgar, pơnỳơ sa\ mờ jơi bơtìan kòn cau he dê.

Cau mblàng K’ Brọp