VOV4.K’ho- Mpồl tam klac cau ùr càr Kon Tum pa pơgồp bal mờ Mpồl tam klac cau ùr kơnhoàl Ngọc Hồi bơyai lơh bơto pơlam ai 50 nă cau ùr tơlik mat tĕ khà in dơ̆ sơn rờp tus bal tơlik mat tĕ khà kuang bàng Hội đồng Nhân dân xã, sơnah ƀòn, thị trấn tơngai lơh broă bơh nam 2021 tus nam 2026 tàm kơnhoàl.

Ơdŭ bơto pơlam nàng kờñ dong cau ùr tơlik mat tĕ khà dơ̆ sơn rờp geh yal tơnggit tơlik mat tĕ khà Hội đồng Nhân dân ală kấp tơnguh pràn jak, git loh gơnoar, kơnòl broă he dê tàm broă tus bal tĕ khà. Bal mờ hơ̆, do là broă lơh ai tơnggŏ gơnoar, kơnòl bơh ală kấp Mpồl cau ùr dê tàm broă tus bal broă lơh tĕ khà, kuơmàng là lòt bal, dong kờl cau ùr tơlik mat tĕ khà dơ̆ sơn rờp tus bal tơlik mat tĕ khà nàng khi geh tai bơta pin dờn, geh jơnau git wă mờ pràn jak kuơmàng nàng lam sồr tĕ khà lơh geh cồng nha niam ngan rlau jơh.

Cau mblàng K’Duẩn