VOV4.K’ho- Drim òr 24/5, tàm [òn dờng Kon Tum, dơ\ sơnrờp Mpồl sền gàr dong kờl cau kue\t kơlte mờ kơnòm kòn đời càr Kon Tum bơyai lơh Pơrjum jờng rơ kơnòm dềt pơnrơ gùt càr.

Pà sră jờng rơ ai ală oh sơrlèt gan kal ke lơh ngan tàm broă bơsram sră

Tàm pơrjum, 50 nă kơnòm kòn đời, 50 nă kơnòm kue\t kơlte sơrlèt gan rài kis, lơh geh uă cồng nha jak ngan tàm broă bơsram mờ 50 nă kơnòm dềt geh cồng nha dong kờl kơnòm dềt geh rài kis kal ke neh geh pà sră jờng rơ mờ pơn jờng. Mpồl sền gàr dong kờl cau kue\t kơlte mờ kơnòm kon đời càr Kon Tum kung kah rơngal 19 mpồl cau, cau dùl nă să tă pơgồp priă jền tơmu\t tàm Kes priă “Tài cau kue\t kơlte mờ kơnòm kòn đời càr Kon Tum” mờ priă tă pơ gồp bơh 5 tơlak rlau hơđang.

Bơh bồ nam tus tu\ do, ală cau dùl nă să, mpồl cau dong kờl Kes priă rlau 464 tơlak. Do là priă jền kuơmàng ngan nàng mpồl bơyai lơh ală broă lơh dong kờl, pơn jờng ală oh geh rài kis kal ke.

Cau mblàng Lơ Mu K’Yến