VOV4.K’ho – Tàm càr Kon Tum, mờr 35 rbô nă cau jat yàng phờk tàm 30 hìu phờk, hìu duh khoai neh chờ hờp lơh chờ dờng Phật đản – Phật lịch 2564 nam ngai deh yàng phờk bal mờ ua\ broă lơh gơ rề ua\ nùs nhơm kờ` gơboh mờ gàr niam broă rơcang sơndră kòp Covid-19. Dơ\ chu `àng, ơn guàng bơkàu, tơn um phờk geh lơh tàm nùs nhơm ki ngàm mờ jơh nùs.

Ală cau jat yàng phờk bal mờ gơp hòi dan yàng phờk sền gàr dà lơgar, sền gàr ală gah pin dờn jat yàng mờ geh pràn kơldang să jan, ring lơngai, kòp bơ tờp Covid-19 geh kơryan cèng wơl bơta ring lơngai làng bol in. Nàng gàr niam broă rơcang sơndră kòp Covid-19, jơh ală hìu phờk mờ hìu duh khoai tàm càr Kon Tum ndrờm ờ lơh tơr`ang tơr gùm bal mờ mìng lơh tơr`ang tàm dơlam hìu phờk.

Hòa thượng Thích Quảng Xả, Phó Chủ tịch Hội đồng duh broă gah jat yàng phờk dà lơgar Việt Nam, Kuang atbồ mpồl duh broă gah jat yàng phờk dà lơgar Việt Nam càr Kon Tum pà git, tă pơ gồp tàm ngai chờ dờng Phật  đản – Phật lịch 2564 nam ngai deh yàng phờk, lơh gơ rề ua\ bơta kờ` gơboh. Mpồl duh broă gah jat yàng phờk mờ ală hìu phờk neh pà rlau 1 rbô bơnah phan, tơl bơnah geh 5 ki\ phe mờ [ung mi ai ală cau geh rài kis kal ke tài gơ rềng bơh kòp Covid-19 dê in.

Cau mblàng K’Duẩn