VOV4.K’ho - Kờñ tơnguh uă cồng nha tàm broă rơcang sơndră mờ kòp Covid-19, UBND càr Kon Tum neh tơlĭk kơrnoăt pồ tơl, bơyai lơh wơl 6 anih ală gah broă sền gròi kòp gơtờp tàm càr, tàm hơ̆ jào Chủ tịch UBND kơnhoàl, ƀòn dờng Kon Tum lơh cau atbồ anih sền gròi.

 Lam sồr rơndeh mŭt tềng anih sền gròi kòp Covid-19 Sao Mai- tiah rềp mờ càr Gia Lai

Jăt kơrnoăt broă geh ai bơh Chủ tịch UBND càr Kon Tum, geh 6 anih sền gròi ală gah broă sền gròi kòp Covid-19 tàm càr geh lơh jăt nàng tơnguh uă cồng nha broă sơndră mờ kòp. 6 anih sền gròi geh tam pà tàm ală gơl gùng lòt kuơ màng càr dê, bè gùng 14-gùng Hồ Chí Minh-gơl lòt gan tiah đah tô mờ đah jum càr Kon Tum; tềng sơnĕ 3 gùng Đông Trường Sơn mờ gùng 24-rềp mờ càr Quảng Ngãi; rơbàng Sê San 4, tàm gùng 14C, mờ gùng 40B tàm anih tìp bal bơh kơnhoàl Nam Trà My, càr Quảng Nam mờ xã Ngọc Lây, kơnhoàl Tu Mơ Rông.

Cau mblàng Ndong Brawl