VOV4.K’ho - Sơn đờm bơh ngai òr (15/07), càr Kon Tum lơh jăt broă dong kờl khà priă lơh broă ai mpồl lơh broă mpồl bơtiàn rơcang sơndră mờ kòp Covid-19 in. Jăt mờ hơ̆, UBND càr Kon Tum lơh jăt broă dong kờl priă lơh broă ai mpồl lơh broă mpồl bơtiàn rơcang sơndră mờ kòp Covid-19 mờ khà 80 rơbô đong tàm 1 nă 1 ngai.

                      Làng bol cih jơnau yal bè gah lơh sơnơm lài mờ tŭ mŭt tàm càr Kon Tum

Khà cau geh dong kờl bơh tơl mpồl ờ uă ir 1 nă cau 1 ngai. Kờñ geh khà priă lơh jăt broă do, UBND càr Kon Tum dan mờ Dà lơgar dong kờl 70%, gam tai 30% geh kes priă càr tă. Tŭ do, càr Kon Tum geh 2 rơbô 832 mpồl lơh broă rơcang sơndră mờ kòp Covid-19. Bè hơ̆, mờ khà priă dong kờl 80 rơbô đong ai 1 nă cau tơl mpồl, 1 ngai kờp jơh khà priă mờ càr Kon Tum pal tă là rơlao 220 tơlăk đong. Kon Tum là dùl tàm ờ uă càr tàm gùt lơgar tus tŭ do ờ hềt geh cau lơi gơtờp mờ virus Sars CoV-2, mơya broă di gơlan gơtờp kòp gam uă ngan.

Cau mblàng Ndong Brawl