VOV4.K'ho - Drim òr (02/06), tàm ƀlàng tơ̆p ƀồc cau ling chơ̆t màng kơnhoàl tiah nhàr dà lơgar Ngọc Hồi, tàm nùs nhơm gĭt jơnau ngan, Tỉnh ủy, HĐND, UBND, UBMT Dà lơgar Việt Nam càr Kon Tum neh bơyai lơh ies mờ tơ̆p 9 ƀồc ntìng cau ling chơ̆t màng mờ cau jăk chài lơgar Việt Nam chơ̆t phi să tàm ală rài tam lơh geh Mpồl K53 jòi bàn tàm 3 càr đah jum lơgar Lào kàl prang pa do.

Dơ̆ bơyai lơh ies mờ tơ̆p ƀồc ntìng ală cau ling chơ̆t màng mờ cau jak chài lơgar Việt Nam chơ̆t phi să jòi bàn tàm lơgar Lào

Dơ̆ bơyai lơh ies mờ tơ̆p ƀồc ntìng ală cau ling chơ̆t màng mờ cau jak chài lơgar Việt Nam chơ̆t phi să jòi bàn tàm lơgar Lào

Kờñ sơndră mờ kòp Covid-19, dơ̆ ies, tơ̆p ƀồc ntìng ală cau ling chơ̆t màng geh càr Kon Tum bơyai lơh niam, ờ ai gal kuang bàng tus mờ lơh jăt nền nòn ală broă sơndră mờ kòp gơtờp. Tàm 9 ƀồc ntìng cau ling chơ̆t màng geh tơ̆p tàm ƀlàng tơ̆p ƀồc cau ling chơ̆t màng kơnhoàl Ngọc Hồi, càr Kon Tum, geh 1 ƀồc ntìng cau ling chơ̆t màng geh jòi bàn tàm càr Chămpasắc; 6 ƀồc ntìng cau ling chơ̆t màng geh jòi bàn tàm càr SêKông mờ 2 ƀồc ntìng cau ling chơ̆t màng geh jòi bàn tàm càr Attapư.

Cau mblàng Ndong Brawl