VOV4.K’ho - Chờ gờm Ngai Cau pơgru Việt Nam 20 nhai 11, drim òr (16/11), tàm ƀòn dờng Kon Tum, Sở Giáo dục mờ Đào tạo càr Kon Tum bơyai lơh jào pà khà pơn jờng “Cau pơgru ưu tú” ai bàr nă pơgru in mờ pơn jờng ală cau geh pơnrơ gơguh jăk.

                     Ală mpồl lơh gơs jăk chài tơl ală kơnòl geh dờp bồng bi bơh Chính phủ

Bàr nă cau pơgru bơh càr Kon Tum pơnyờ să geh Chủ tịch lơgar jào pà khà pơn jờng kuơ màng “Cau pơgru ưu tú” là pơgru Nguyễn Thị Hoàn, Phó Kuang atbồ Hìu bơsram cấp 2 Chu Văn An mờ pơgru Nguyễn Xuân, lài do là Phó Kuang atbồ hìu bơsram cấp 3 Ngô Mây, ƀòn dờng Kon Tum. Tàm dơ̆ pơrjum, ală kuang bàng bal mờ rơlao 100 nă pơgru ala măt rơlao 11 rơbô nă kuang atbồ atbồ, cau pơgru... lơh broă tàm gah bơto bơtê mờ bơsram càr Kon Tum neh ưn ngài, pơn jờng ală cau pơgru neh geh uă broă pơgồp bal mờ gah broă “bơto kòn bơnus”, kuơ màng tàm bơta kòp Covid-19 gơtìp kal ke do.

Cau mblàng Ndong Brawl