VOV4.K’ho- Ngai 24/9, ƀồc cau klau geh sền gŏ dà bŭ tàm dà dờng Pô Kô gơl lòt gan xã Tân Cảnh, kơnhoàl Đăk Tô, càr Kon Tum. Ƀồc cau klau dà bŭ tàm dà dờng Pô Kô, gơl đah hơđơm bơtơ̆t hìu măy pờ tơlik ồs đèng Đăk Pô Kô, gơwèt ù tiah xã Tân Cảnh, kơnhoàl Đăk Tô geh mpồl công nhân hìu măy cồn mờ Tinh bòk bùm blàng Đăk Tô lơh broă tàm trạm ƀồm sền gŏ tŭ rlau 7 drim ngai 24/9.

Mìu dờng dà kŏ dà cò gơrềng bơh mìu càl rbŭt dờng sồ 6 lơh dà tàm ală dà croh tàm Kon Tum gơguh tih

Jơnau yal bơh sơnrờp bơh làng bol  xã Tân Cảnh, kơnhoàl Đăk Tô pà gĭt, cau chơ̆t là bi B.V.T, 46 sơnam, ơm tàm Khối 2, thị trấn Đăk Tô. Bi do dô lòt bơh hìu bơh ngai 11/9/2021 mờ hìu bơnhă kung neh cih jơnau jòi cau pròc mhàm bal tàm màng xã hội. Tơnơ̆ tŭ dờp jơnau yal, Kuang àng kơnhoàl Đăk Tô neh ai mpồl ờs mờng tus tiah sền gŏ ƀồc nàng sền gròi să jan cau gơtìp rềs àr mờ lùp sền jơnau tờm gơbàn chơ̆t.

Cau mblàng K’Hạnh