VOV4.K’ho – Di tơngkah 39 nam Ngai cau kuet kơlte Việt Nam (18/4), drim òr (16/4), tàm [òn dờng Kon Tum, Mpồl sền gàr gơnoar kơnòm dềt mờ sền gàr dong kờl cau kuet kơlte càr Kon Tum bơyai lơh Pơrjum Jờng rơ cau kuet kơlte geh pơn rơ jak gùt càr dơ\ 6 nam 2019. Tàm pơrjum, 120 nă cau kuet kơlte geh pơn rơ jak ala mat rlau 6 rbô 200 nă cau kuet kơlte bơh càr Kon Tum dê neh geh jờng rơ, pà khà jờng. Do là ală cau kuet kơlte geh pơn rơ jak sơr lèt gan rài kis kal ke tàm broă bơsram sră, lơh broă lơh sa mờ dong kờl cau kuet kơlte. Tàm pơrjum, geh 138 nă cau dùl nă să, mpồl cau tàm càr mờ bơdĩh càr neh dong kờl, cih mat dong kờl Kes priă sền gàr dong kờl kơnòm dềt mờ sền gàr dong kờl cau kuet kơlte càr, mờ khà priă rlau 677 tơlak.