VOV4.K’ho- Drim ngai 26/3, tàm ƀòn dờng Kon Tum, Đoàn Ơruh pơnu Cộng sản Hồ Chí Minh càr Kon Tum yŭ rơyùm bơyai lơh tơngkah kir sơnrai 90 nam ngai crơng gơs Đoàn Ơruh pơnu Cộng sản Hồ Chí Minh gơ jat bal mờ tơngkah 70 nam ngai Bác Hồ pà jơnau nrĭ ơruh pơnu lam lài mờ jờng rơ mpồl cau, cau dùl nă să geh pơn rơ nam 2021.

Tàm dơ̆ bơyai lơh tơngkah kir sơnrai, ală kuang bàng bal mờ rlau 400 nă đoàn viên, ơruh pơnu bơh càr Kon Tum dê neh kah wơl bơhiàn dờng màng 90 nam bơt bơtàu mờ dờng pràn bơh Đoàn Ơruh pơnu Cộng sản Hồ Chí Minh dê; jờng rơ 14 nă cau kơnòm să geh pơn rơ jak; 90 chi đoàn, chi đoàn kấp hơđơm pràn kơldang.

Di tŭ do geh 11 mpồl cau jak ngan tàm broă lơh đoàn mờ srơh ơruh pơnu, kơnòm pa tàu, kơnòm dềt bơh càr Kon Tum dê tơngai bơh nam 2016 tus nam 2020 pơniờ să ngan geh dờp Bằng khen bơh Đoàn dà lơgar dê; 10 nă cau geh dờp gai lòng kir sơnrai tài rơnàng kơnòm să; 2 nă cau geh dờp gai lòng kir sơnrai ơruh pơnu lam lài lài do.

Cau mblàng K’Duẩn