VOV4.K’ho- Bơh deh neh gơtìp uă kue\t kơlte tàm să jan, ờ geh 2 nơm tê, jơng kuềt, ntìng gòr ngkời kuềt, ngkời geh dùl nơm as dờng, gơtìp kòp jê plai nùs mờ hìu den r[ah ngan tai. Mơya, jơh ală bơta lơi ờ bơtuah bơtoài hơ\ ờ gơtùi lơh Y Julie in kal ke ờ.

Mờ bơh ngkời bơta pràn jak sơrlèt gan pơđơl pràn bơh ùr kơnòm bơsram dềt gam bơsram tàm hìu bơsram kấp ba Trường Chinh, [òn dờng Kon Tum, càr Kon Tum dê gam geh jơnau yal bè bàr nă kơnòm bơsram ùr 10 nam dong kờl bơyô sơrlèt gan jơh ală bơta kue\t kơltê nàng lòt bơsram.

Sùm tàm 10 nam bơsram pa do, gùng lòt tus hìu bơsram bơh ùr kơnòm bơsram dềt kue\t kơlte Y Julie dê, kòn cau Bahnar, hìu ơm tàm [òn Kon Drei, xã Đăk Blà, [òn dờng Kon Tum, càr Kon Tum sùm geh bơta lòt bal dong kờl bơh bàr nă ùr bơyô ơm dùl [òn bal là Y Bích mờ Y Vưn.

Kơnờm geh bàr nă bơyô niam, bulah ờ geh bàr đah tê, să jan lơbơn lơ`o kòp tê jê să sùm, mơya oh Y Julie kung gam geh dờp tơl jơh bơta chờ hờp sơnam kơnòm dềt dê geh lòt bơsram. Geh bàr nă bơyô dong kờl, pơndờm pơnđiang pah ngai pơndiang mờ rơndeh coh, Y Julie neh sơrlèt gan tu\ tơngai 10 nam bơh Hìu bơsram Mầm non Ánh Hồng tus hìu bơsram kấp một Đăk Blà, hìu bơsram kấp hai Lê Đình Chinh mờ tu\ do là hìu bơsram kấp ba Trường Chinh.

Oh Y Julie (đah ma) mờ bơyô Y Vưn tàm jiơ lik nhơl

Đơs bè bơyô mờ broă dong bơyô bơh he dê, oh Y Vưn, bơsram ơdu\ 10C8, hìu bơsram kấp ba Trường Chinh, pà gi\t:

“Bơyô Y Julie ờ ndrờm bè ală cau bơyô ndai. He gơtùi dong kờl bơyô hơ\ bơh ală broă ơm kis pah ngai. Pơndiang bơyô lòt bơsram. Ìa sră pơ àr [à bơyô hơ\ in. Dong bơyô tàm broă bơsram sră. Dong bơyô tàm nùs he gơlơh chờ hờp ngan”.

Bal mờ broă pah ngai ờ ngòt bòl glar kal ke, gùng lòt ngài tus rlau 10 kơi sồ mờ kal ke lòt tai, bàr nă oh là Y Bích mờ Y Vưn tàm ala gơ\p pơndiang bơyô lòt bơsram. Rê hờ [òn, bàr nă oh gam dong bơyô uă ngan tàm rài kis mờ broă lơh pah ngai.

Dong kờl bal tàm broă bơsram sră, pe nă oh bơsram bài bal, tàm bơto pơlam bal jơnau gi\t wa\ mờ bơyô ờ hềt gi\t ngan. Y Bích, Y Vưn dong bơyô bơsram môn Toán, sơlơ\u wơl Y Julie dong kờl bơsram môn dà Mỹ mờ môn Văn.

Sùm geh bàr nă bơyô dong kờl, pơndờm pơnđiang bal, Y Julie bơh sơrlèt gan bơta bàs sìl, tus pin dờn tàm să tờm mờ tu\ do là ùr kơnòm bơsram chờ hờp chờ hờn, sơrmah sơrmài mờ ngac ngar ngan. Oh sùm lơh ngan pơđơl pràn lơh bal tàm jơh ală broă lơh bơh ơdu\ bơsram, hìu bơsram mờ làng bol tàm [òn dê lam lơh. Oh Y Julie, đơs bè do:

“Tu\ deh ờ bơtuah ờ ndrờm bè jơh tơl nă cau, mơya a` kung gam lơh ngan pơđơl pràn, pin dờn nàng sơrlèt gan kal ke. Bulah là broă lòt rê kal ke mơya geh bơta dong kờl bơh bàr nă bơyô dê den tàng a` kung neh lơh ngan mờ sơrlèt gan. Geh bơta pơndờm nàng lòt bơsram sră”.

Tàm [òn dờng Kon Tum, càr Kon Tum jơnau 10 nam dong bơyô sơrlèt gan kue\t kơltê lòt bơsram bơh bàr nă oh Y Bích mờ Y Vưn dê tu\ do neh geh uă ngan cau gi\t. Bal mờ sền dờng màng ngan nùs kờ` gơboh bơh pe nă ùr kơnòm bơsram dềt dê, uă bơta pơndờm pơndiang geh kuơ ngan kung neh geh ală cau geh nùs nhơm niam, mpồl lơh broă mpồl bơtiàn pơyua tus ală oh in.

Gơ rề nùs kờ` gơboh gơ\p bơyô niam, broă lơh niam, pe nă bơyô Y Bích, Y Vưn, Y Julie, bơsram ơdu\ 10C8, hìu bơsram kấp ba Trường Chinh geh cau pơgru kung bè ală kơnòm bơsram ndai jờng rơ mờ ai lơh krơh nàng lơh ngan sơrlèt gan tàm broă bơsram sră.

Oh Y Vưn, Y Julie mờ ùr pơgru atbồ ơdu\ 10C8

Đơs bè pe nă ùr kơnòm bơsram kờ` ngan bơh he dê, ùr pơgru Phạm Thị My Ly, atbồ ơdu\ bơsram bơh pe nă oh do dê, pà gi\t:

“Oh Julie geh nùs nhơm sơrlèt gan uă ngan. Oh cih mờ jơng mơya akhar cih oh dê niam ngan. Hìu bơh oh dê ơm ngài ngan mờ hìu bơsram, gùng lòt den kung kal ke ngan, oh ờ gơtùi lòt bơsram is dùl nă să den bàr nă oh Bích mờ Vưn neh tàm ala gơ\p pơndiang oh mờ rơndeh coh nàng lòt bơsram.

Tàm broă sàu sa ơm kis tàm ngai den bàr nă bơyô hơ\ tơn siam sa. Julie geh nùs nhơm sơrlèt gan uă ngan, oh bơsram jak ngan, oh sùm lòt bơsram tơl mờ pơđơl pràn ngan”.

Bal mờ pơn jat tai dong bơyô lòt bơsram bàr nam bơsram gam wơl bơh kấp ba dê, bàr nă oh Y Bích mờ Y Vưn kơ\p kờ` tơnơ\ do geh dong bơyô Y Julie lơh geh dùl broă lơh dipal nàng bơyô pơn jat tai kơ\ kơl jăp cơnđoà jơng lòt tàm rài kis!

Cau mblàng Lơ Mu K’Yến