VOV4.K’ho- Tàm ală kơnhoàl tiah sar lơgar ngài bơh càr Kon Tum tu\ do geh gi\t nđờ rbô nơm rơndeh mô tô geh làng bol bơceh lơh is pơndiang phan lơh geh bơh sươn sre, geh tu\ là gam ngui tàm broă pơndiang dơm chi kơ`au, pơhìn geh uă pơhìn rềs àr gùng lòt.

Dùl nơm rơndeh bơceh lơh is gơtùi pơndiang geh rlau nggùl tấn phan lơh geh bơh sươn sre mơya digơlan gơbàn rềs àr là uă ngan

Gah lơh broă geh gơnoar gam lơh uă broă lơh nàng lơh glài khà rơndeh mô tô bơceh lơh is do. Geh bơceh lơh bơh ală rơndeh mô tô yau halà pa, mờ broă tam gơl rơndăp tăp sèng măy mok, lơh tam gơl wơl dơm rơndeh mờ lòs, tơl nơm rơndeh bơceh lơh is gơtùi pơndiang geh rlau nggùl tấn phan lơh geh bơh sươn sre tàm ù tiah dòr bơnơm mờ priă lơh gơs tơl nơm rơndeh mìng pơgăp 10 tơlak đong lơm.

Go\ geh bơta kuơ pơndiang phan bơna bơh bơta rơndeh do dê, ală nam rềp ndo, tàm càr Kon Tum, khà rơndeh mô tô bơceh lơh is gơguh nisơna. Lơh jăt jơnau sồr bơh Ủy ban Nhân dân càr Kon Tum dê, mpồl lơh broă geh gơnoar tàm tiah do gam tus kờp sền, lơh glài ală rơndeh mô tô bơceh lơh is do.

Cau mblàng Lơ Mu K’Yến