VOV4.K’ho-  Tus mho òr, 31/1,  hơ\ là ngai 26  nhai 12 jat tơngai àng kơnhai, càr Kon tum neh lơh gơs broă jàu pà priă, phan pà bal mờ 201 tấn phe dong kờl bơh Chính phủ dê ai cau r[ah in tàm dơ\ wă rò sa tềp dà lơgar Kỷ Hợi nam 2019.

 Mờ bơta lơh ngan ờ lời hìu bơnhă lơi ờ tơl phan sa tàm dơ\ sa tềp do kung bè priă jền, phan pà, phe tus tàm tê di mờ cau geh dong kờl, gah lơh broă Lao động Thương binh mờ Xã hội càr Kon Tum neh pơ gồp bal mờ gơnoar atbồ, gah sơnah lơh broă, mpồl cau bal tàm ală tiah lơh sră cih mat, kờp sền tơl hìu bơnhă làng bol mờ bơyai lơh pà phan, dong kờl di tu\, di pal.

Ngan ngồn, gùt càr Kon Tum geh rlau 19.500 hìu bơnhă r[ah jat broă lơh tơrgùm kờp geh dong kờl tơl hìu bơnhă geh 500.000 rơbô đồng. Mờr 12.000 hìu bơnhă r[ah jat broă lơh ờ tơl phan sa geh drơng broă dong kờl mpồl bơtìan sền bal mờ hìu bơnhă drờm bè r[ah tơl hìu bơnhă geh dong kờl 200.000 rơbô đồng.

 Bơh khà dong kờl 201 tấn phe bơh Chính phủ, 13.400 nă cau r[ah bơh càr dê geh dong kờl tơl nă cau 15 ki\ phe. Bơdìh hơ\ tai, g^t nđờ rơbô bơnah phan pà bơh ală anih lơh broă, mpồl lơh broă, mpồl lơh sa kă bro, cau geh nùs nhơm niam tàm càr mờ bơdìh càr dong kờl kung neh geh jàu tus tàm tê làng bol dê.

Cau mblàng K’ Hạnh