VOV4.K’ho - Geh bơta [ươn tàm broă rề ơnàng bă ù tam uă tờm chi lơh sơnơm, tàm ală ngai bồ sơnam pa tơn, uă anih, uă mpồl lơh sa kă bro bal mờ làng bol lơh broă sa tàm càr Kontum neh lòt lơh broă lơh jat broă rơndăp lơh sa nam 2018.

Kơnhoàl Kon Plông là tiah geh bơta jơnhoa rlau 1 rbô thơk pơndrờm mờ mat dà lềng, gơdờp mờ uă tờm chi lơh sơnơm geh priă jền uă, bè đẳng sâm, tòng kim tuyến, đương quy, xạ jù…mờ geh càr Kontum sền là dùl tàm ală tiah kuơmàng rề ơnàng bă ù tam uă tờm chi lơh sơnơm.

Tàm ală ngai bồ sơnam pa 2018 tơn, tàm tiah tờm kơnhoàl Kon Plông, Viện kơlôi sơnơng sền gàr mờ bơtàu tơnguh tờm chi lơh sơnơm Sài Gòn ngan ngồn geh crơng gơs mờ mu\t lơh broă.

Mờ jơnau kờ` sền gàr mờ bơtàu tơnguh tờm chi lơh sơnơm, tàm ală ngai bồ sơnam pa tơn, Viện do ai lơh lài bơ\t bơtàu dùl tiah tờm lơh gơlik sơntìl nàng sac rwah ală bơta chi lơh sơnơm kuơ tàm tiah Tây Nguyên.

Ồng Đỗ Hoàng Hải, Chủ tịch Hội đồng crơng gơs Viện kơlôi sơnơng sền gàr mờ bơtàu tơnguh chi lơh sơnơm Sài Gòn dê, pà gi\t: dùl tàm ală jơnau kờ` bơh Viện dê là lơh geh tiah prăp mô, tiah lơh gơlik sơntìl nàng sền gàr jơi gen mờ ai làng bol in rề ơnàng bă ù tam uă tờm chi lơh sơnơm. Ồng Đỗ Hoàng Hải, đơs bè do:

Bol a` kơ\p kờ` geh lơh bal, ơm kis rềp mềl mờ ù tiah Tây Nguyên. Bol a` sac rwah tiah do lơh tiah lơh sươn sền gàr mờ bơtàu tơnguh tờm chi lơh sơnơm nàng cèng ală gen kuơ ờ huan geh uă bơh ală brê dà lơgar bol a` sac rwah mờ bol a` sền gàr.

Bơh do, bol a` lơh gơlik mờ ai ală nông trường mờ làng bol Tây Nguyên in geh cèng chi lơh sơnơm hơ\ nàng tam. Bol a` hơ blơi jơh ală phan bơna mờ bol a` neh ki\ hơ mờ làng bol tam chi lơh sơnơm.

Lòt bal mờ mpồl lơh sa kă bro mờ làng bol tàm bơtàu tơnguh tờm chi lơh sơnơm, gơnoar atbồ kơnhoàl Kon Plông neh tus sền, rơndăp ù tiah rlau 600 lồ brê nàng sền gàr, jòi ală tờm chi lơh sơnơm jat gùng dà kơ\ kơl jăp jo\ jòng, mơkung geh gùng dà broă lơh mờ bơta dong kờl ngan ngồn nàng dong làng bol tam chi lơh sơnơm.

Tàm ală ngai bồ sơnam pa do tơn, Trạm khuyến nông mờ Drơng broă lơh broă sa sươn sre kơnhoàl Kon Plông neh jun làng bol ală xã: Đăk Long, Măng Cành, Pờ Ê, Hiếu mờ Măng Bút in gi\t nđờ jơ\t rbô tờm chi lơh sơnơm bơtàu tơnguh lơh sa hìu bơnhă, bal mờ ai pà sơntìl, Trạm khuyến nông kung bơto pơlam bơta chài tam tơl ală bơta chi lơh sơnơm jat broă lơh lơh tơn pơlam tơn.

Bi Trần Thị Kiều Trinh, kuang bàng kỹ thuật Trạm khuyến nông mờ Drơng broă lơh broă sa sươn sre kơnhoàl Kon Plông, pà gi\t:

Kuang bàng kỹ thuật tu\ mờ bơto pơlam broă lơi hơ\ đơs bè he [ươn gi\t ai làng bol in hơ\ là lơh tơn pơlam tơn. Pơnyơu bè đương quy den tam tềng àr bè lơi? Ù ơnàng kàr lơi? He đơs pơnyơu bè bă ù ơnàng 30 nhân 40 cau ờ go\ chài gi\t ờ.

Oh đơs pơnyơu bè dùl bơta lơi hơ\, oh lòng kờp du\, thơk halà dùl nơm chi. Oh lơh pơnyơu khi in bè hơ\, he tờ sền he tam. Bơta ngài he kung ai lơh pơnyơu sơl bè ngài 20 mơya oh đơs là mìng ngài kàr nđàm tê là khi gi\t. Hơ\ là broă mờ bol oh bơto pơlam wơl làng bol in.

Kơnờm ală broă dong kờl ngan ngồn, tus bồ nam 2018 làng bol kơnhoàl Kon Plông neh tam geh gi\t nđờ jơ\t lồ đẳng sâm, tòng kim tuyến, đương quy, xạ jù…Ồng Nguyễn Văn Lân, Chủ tịch UBND kơnhoàl Kon Plông pà gi\t, tàm nam 2018 gơnoar atbồ kơnhoàl pơn jat tai geh bơta dong kờl mpồl lơh sa kă bro mờ làng bol rề ơnàng bă ù tam uă tờm chi lơh sơnơm:

Gơnoar atbồ lơh bal jơh nùs ngan bal mờ mpồl lơh sa kă bro mờ dong ală bơta bè gùng dà broă lơh, bè sră nggal bơcri priă, dong kờl ờ sa priă dia jat jơnau cih bơh kơrnoat boh lam dê. Hơ\ sồng bơcri priă lơh phan bơna dong ală mpồl lơh sa kă bro geh dùl broă lơh kơ\ kơl jăp mờ iang nùs tus bơcri tàm kơnhoàl Kon Plông.

Gơnoar atbồ kơnhòal Kon Plông bol a` geh dùl gùng dà broă lơh bè lơh geh bă ù ai làng bol in. Dơ\ bàr là ai dùl bă ù ngan ngồn nàng sền gàr tờm chi lơh sơnơm. Bơta tờm là ai làng bol in rề ơnàng bă ù tam uă tờm chi lơh sơnơm.

 Nàng lơh geh jơnau kờ` gơgơs là tiah tam chi lơh sơnơm kuơmàng bơh càr Kontum dê, bơh ală ngai bồ sơnam pa 2018 do tơn, bal mờ rề ơnàng bă ù tam uă tờm chi lơh sơnơm, gơnoar atbồ kơnhoàl Kon Plông kung gam lơh broă lơh mat kă bro gơ jat bal mờ lơh gơlik phan, kă bro phan bơna jat ală anih mờ bơ\t bơtàu sươn dờng tam chi lơh sơnơm.

Bal mờ hơ\, uă gùng dà broă lơh bè lam lơh sa, bơto pơlam, kă bro, lơh gơlik phan bơna…kung geh gơnoar atbồ tiah do lơh dùl ròt bal sơl. Do là bơta bơh sơnrờp geh kuơ ngan nàng tờm chi lơh sơnơm tàm kơnhoàl ù tiah Kon Plông, càr Kontum tam gơl bơta bơta [ươn gơ gơs bơta pràn bơtàu tơnguh./.

                                          Cau mblàng  mờ yal tơngi\t- Lơ Mu K’Yến