VOV4.K’ho- Jơnau yal bơh Ủy ban Nhân dân kơnhoàl Ia H’Drai, càr Kon Tum dê pà gĭt, mìu dờng, càl dờng geh bal càl rbŭt mờ kơnàs pa do neh lơh hoàc hươr kơn jơ̆ ngan tàm tiah do. Tơrgùm kờp bơh sơnrờp pà gŏ, mìu dờng, càl dờng lơh 6 nơm hìu làng bol dê gơtìp gơ pồ rơkàng, rlau 2 rbô 600 tờm kau su gơtìp kơnàs còng gơ pừ jơh, lơh hoàc hươr rlau 1 tơmàn 200 tơlak đong. Mìu càl rbŭt dờng mờ kơnàs kung lơh pă, gơpừ 4 nơm jrong đèng, lơh kuềt ờdiơng 11 bộ xà mờ gơ lơhăt che mờr 20 anih lơh chơ̆t đèng 86 anih biến áp lơh jơh gùt kơnhoàl Ia H’Drai gơtìp chơ̆t đèng.

Công ty Ồs đèng càr Kon Tum neh tơrgùm cau tus tàm ală anih gơbàn aniai nàng pờ wơl đèng ai rlau 1 rbô hìu bơnhă làng bol in. Ủy ban Nhân dân kơnhoàl Ia H’Drai hòi tơrgùm mpồl cau lam lòt khòm tơrgùm jơh chi che pă gơ pừ sền gàr niam gùng lòt ờdo ờdă mờ ờ kòl gùng; dong làng bol bơsong hoàc hươr; lòt sền wơl phan bơna tàm ală anih tĕ khà; pơgồp bal mờ ală anih lơh broă, ală tiah, mpồl lơh sa kă bro kờp sền hoàc hươr tài bơh mìu càl rbŭt dờng mờ kơnàs lơh aniai.

Cau mblàng Lơ Mu K’Yến