VOV4.K’ho-Tàm càr Kon Tum, mìu jo\ jòng bơh rlau 1 nhai do neh lơh bơnàng ù lơbơn gơlam tus jơnau tơrlah ù gơbàn tàm bàr pe gơl gùng. Tàm kơnhoàl Sa Thầy, dùl tàm 2 gơl gùng lòt tus xã tiah nhàr lơgar Mang Mrai là gùng càr 674 neh gơtìp kòl jơh gùng tài bơh gi\t nđờ jơ\t rbô khối ù lu\ tơrlah gơdùh bơh ta luy dương.

         Jơnau tơrlah ù tàm gơl gùng càr 674 tơrbo\ bơh tiah tờm kơnhoàl Sa Thầy tus tàm xã tiah nhàr lơgar Mang Mrai gơtìp bơh ngai 6-16/7. Gơbàn jơnau do geh gi\t là tài bơh tàm ù tiah kơnhoàl do sùm geh mìu dờng jo\ jòng. Bal mờ hơ\, 36 kơi sồ gùng càr 674 pa geh bơcri priă lơh pa lơh niam wơl, lơh gơs mờ ai ngui pơgăp mờ do rlau 6 nhai lơm den tàng bơnàng ù ờ hềt kơ\ kơl jăp ngan.

Măt gùng gơtìp ù lu\ bồr tơ\p jơh

Tu\ do, anih tơrlah uă ngan rlau jơh jòng pơgăp 300 kơi sồ, gơl gùng bơh kơi sồ 10+500 tus kơi sồ 10+800 mờ pơgăp 40 rbô khối ù lu\ gơ bồr tơ\p jơh măt gùng lơh broă lòt rê gơtìp kòl jơh. Roh rlau 3 jiơ jòi gùng lòt gan tiah tơrlah ù mờ ờ gơtùi, uă làng bol tàm [òn K’leng, thị trấn Sa Thầy lồi du\t pal wơl rê wơl tàm tiah tờm kơnhoàl, lòt gùng pơdar jòng rlau gi\t nđờ jơ\t kơi sồ mờ gùng kal ke ngan lòt nàng mu\t tàm xã Mang Mrai jì nhơ\t sươn bùm blàng. Bi A Toanh, làng bol pà gi\t.

Lòt lơh broă đah Mang Mrai apah ù tềng đah hơ\ nàng tam bùm blàng. Lòt bơh 8 jiơ drim ờ hềt lòt gan geh gùng kơh do tu\ do pal wơl rê wơl. Digơlan kung là neh rlau dùl poh. Lài do tu\ rê kung neh gơtìp tơrlah bè do sơl, lòt pơdar gùng tus tàm do den [ươn rlau mơya lòt gùng kơh den ờ jai. Do là anih kal ke ngan rlau jơh.

Tềng đap jơnau tơrlah ù lơh kòl gùng gơbàn tàm gơl gùng càr 674, gơnoar atbồ mờ Phòng lơh broă geh gơrềng kơnhoàl Sa Thầy, càr Kon Tum dê neh ai 3 nơm măy tờ bal mờ uă rơndeh pơndiang phan nàng lơh niam wơl gơl gùng tàm ală tiah gơtìp tơrlah ù. Mơya, tài bơh bơnah ù lu\ uă ir, trồ den kung gam pơn jat tai mìu sùm den tàng broă lơh niam wơl gơl gùng lơyaì ngan mờ ngòt rơngơ\t ngan.

Jơnau digơlan gơtìp tơrlah ù pơn jat tai gơlik geh tài bơh trồ kung gam mìu sơl

Nàng ờdo ờdă ai cau lòt rê tàm gùng in, gơnoar atbồ tiah do pơlam làng bol lòt gùng pơdar tus gùng càr 675 lòt gan gùng rơndeh dờng 14C nàng mu\t tàm xã Mang Mrai. Mơkung ai sơn tơ\p  ală k[àng tơngkah lài tềng đap ală anih gơtìp tơrlah ù tơngkah cau lòt rê tàm gùng in.

Tềng đap jơnau yal bè broă lơyaì lơh niam wơl gơl gùng do, ồng Nguyễn Hữu Thạnh, Phó Chủ tịch UBND kơnhoàl Sa Thầy, pà gi\t.

Tài bơh trồ mìu sùm ờ geh bơta lơngăp lơngai ờdo ờdă ai ală rơndeh, măy mok in lơh niam wơl gùng den tàng là geh jơnau lơh niam wơl gơl gùng gơtìp lơyaì. Kung neh gơlik sơl jơnau ală rơndeh pơndiang phan nàng lòt cho\ ntrờn jơh ù lu\ gơtìp tơrlah gơ bồr tơ\p mat gùng nàng lòt tuh tềng anih tuh sồ siă den geh dùl nơm rơndeh gơtìp gơdùh ntiar tơn tus tềng jơng dòr bơnơm.

Den tàng tàm jơnau bè hơ\, ală mpồl cau lơh gùng sồr lòt tus nàng lơh niam wơl gùng dan ơm kơ\p jơh trồ mìu den hơ\ sồng tus cho\ ntrờn jơh ù lu\ tơrlah gơ bồr tơ\p mat gùng. Trồ jơh mìu ngai lơi den bol a` tơrgùm jơh tơl nă cau nàng lòt lơh niam wơl gùng gờ` ngan rlau jơh.

Cau mblàng Lơ Mu K’Yến