VOV4.K’ho - Tàm càr Kon Tum tàm ngai 23 nhai 5, geh mờr 347 rơbô nă cau tĕ khà tàm càr do neh lòt đùh sră tĕ khà tàm ngai chờ dờng bơh dà lơgar dê nàng rơwah cau niam nùs, cau jăk chài.

                                                             Lơh jăt mờ broă sơndră mờ kòp gơtờp

Dơ̆ sơn đờm tĕ khà geh lơh tàm 660 tiah đùh sră tàm càr geh lơh niam, di mờ kơrnoăt geh ai mờ tơlĭk geh nùs nhơm ngai chờ tĕ khà bơh gùt làng bol dê. Tàm ală tiah đùh sră ndrờm geh mpồl cau lơh sơnơm lơh broă sơndră mờ kòp Covid-19 mờ làng bol ndrờm geh lơh jăt niam jơnau bơto sồr bơh kuang bàng lơh sơnơm.

                                                               Dùl anih tĕ khà tàm ƀòn dờng Kon Tum

Tơnơ̆ mờ tŭ ala măt rơlao 1 rơbô 100 nă cau tĕ khà tàm ƀòn Kon Hra Chót, gơwèt mpồl tĕ khà sồ 6, sơnah ƀòn Thống Nhất, ƀòn dờng Kon Tum đùh sră sơnrờp ngan tàm thùng sră, cau tĕ khà A Huy chờ hờp pà gĭt: "Làng bol pơgăp mờ do kung 2, 3 ngai bloh kơ̆p gơn tus ngai tĕ khà. Añ là kra ƀòn kis tàm ƀòn Kon Hra Chót. Làng bol bol añ chờ hờp ngan rơwah geh ală kuang bàng Quốc hội, Hội đồng tơl jăk chài. Di lah cau lơi geh pồ tàm Hội đồng, tàm Quốc hội den kung lơh bè lơi tơnơ̆ do dong kờl làng bol".

Tàm ngai tĕ khà kuang bàng Quốc hội khoă 15 mờ kuang bàng HĐND ală cấp, tơngai bơh nam 2021 tus 2026, càr Kon Tum geh 2 Mpồl tĕ khà tàm 2 mpồl tĕ khà kuang bàng Quốc hội; 13 mpồl tĕ khà tàm ală mpồl tĕ khà pồ kuang bàng HĐND càr; 83 mpồl tĕ khà kuang bàng HĐND cấp kơnhoàl mờ 625 mpồl tĕ khà HĐND cấp xã. Cau tĕ khà càr Kon Tum geh rơwah, pồ 6 nă kuang bàng Quốc hội bơh 10 nă kuang bàng tơlĭk măt tĕ khà; pồ 50 nă kuang bàng HĐND càr bơh 85 nă cau tơlĭk măt tĕ khà; pồ 316 nă kuang bàng HD0ND kơnhoàl bơh 531 nă cau tơlĭk măt tĕ khà mờ 2 rơbô 132 nă kuang bàng HĐND xã bơh 3 rơbô 607 nă cau tơlĭk măt tĕ khà.

Cau mblàng Ndong Brawl