VOV4.K’ho- Drim ngai 28/12, tàm Gah đơng lam ling klàng càr Kon Tum, Mpồl đơng lam lòt jòi, tờ tơrgùm mờ đal git mat ƀồc ntìng cau ling chơt màng càr Kon Tum neh bơyai lơh ai cau lơh broă ai mpồl K53 lòt gùng lơh kơnòl broă jòi, tờ tơrgùm ƀồc ntìng cau ling chơt màng kàl prang nam 2021- 2022 tàm 3 càr tiah đah jum bơh lơgar Lào dê.

Mpồl K53 càr Kon Tum lòt gùng lơh kơnòl broă broă jòi, tờ tơrgùm ƀồc ntìng cau ling chơt màng kàl prang nam 2021- 2022 geh 30 nă kuang bàng, cau ling bơh Gah đơng lam ling klàng càr Kon Tum dê. Ù tiah lòt jòi, tờ ƀồc ntìng cau ling chơt màng geh đal git tàm 3 càr Attapư, Sêkông mờ Champasak bơh lơgar Lào dê. Tơngai mờ mpồl K53 càr Kon Tum lam lơh kơnòl broă lòt jòi, tờ ƀồc ntìng cau ling chơt màng tàm 3 càr bơh lơgar Lào dê kờp dŭ bơh tŭ do tus jơh nhai 5 nam 2022.

Cau mblàng K’Duẩn