VOV4.K’ho-Nam 2018 tàm tu\ tơngai khà priă kă bro ală bơta phan lơh geh bơh sươn sre tờm ngan bè kơphê, kau su, tiêu ndrờm gơmù uă, mơya rài kis bơh rlau 275 rbô nă làng bol kòn cau tàm càr Kon Tum dê kung gam geh bơta bơtàu tơnguh loh làng ngan.

Ală ngai lồi nam, nùs nhơm chờ hờp sùm mpờl go\ tàm hìu bơnhă ồng Bloong Rum, cau Jeh Triêng tàm [òn Dục Nhầy 3, xã tiah nhàr lơgar Đăk Dục, kơnhoàl Ngọc Hồi, càr Kon Tum. Tơrgùm sền jơh wơl dùl nam lơh broă lơh sa, ồng Bloong Rum chờ hờp ngan, kòi den prăp bềng đam bềng drong, hìu geh 6 nă cau sa tus kàl tơnơ\ kung ờ go\ jơh sơl. Priă den gam uă hơ\ tài bơh 3 lồ bùm blàng hìu bơnhă tam gam tơnhàu rơ\p pa tăc dùl êt lơm.

Jat ồng Bloong Rum, sre, mìr bơh hìu bơnhă ồng dê kung bè làng bol [òn Dục Nhầy 3 dê kung mìng geh pơgăp kàr hơ\ lơm, mơya nam do tài bơh kơnờm ai sơntìl pa, đòm jat bơta jak chài pa tàm broă lơh sa den tàng cồng nha lơh geh uă ngan rlau den tàng hìu lơi kung hờm ram lơm.

Làng bol he tàm do mìng lơh kòi sre, lơh mìr lơm mơya nam do lơh sa geh ngan. Nam do, den là chờ hờp ngan gơ dê tài bơh ờ geh cau lơi jơgloh, hìu lơi kung geh lơm priă jền nàng blơi prăp phan bơna tàm hìu. Oh kòn geh bơsram niam den tàng ờ geh oh kòn lơi pal ơm tàm hìu tài bơh jơgloh, r[ah ờ geh piang sàu àu soh ờ. Kòi, bùm blàng nam do ndrờm niam lơh geh uă ngan kòi, bùm blàng.

Kơnuh sơnơm Ngọc Linh dong cau Sơdàng tàm kơnhoàl Tu Mơ Rông klàs r[ah tơn jơh jơgloh

Nam 2018, mờ bơta lơh ngan jơh nùs bơtàu tơnguh rài kis ai rlau 275 rbô nă làng bol kòn cau in, geh tus rlau 53% khà kờp làng bol bơh càr dê, càr Kon Tum kuơmàng ai lài bơta sền gròi tus gah lơh broă sa sươn sre. Bơta do geh bơh bơta geh ngan làng bol ală kòn cau ơm kis bơh yau tàm do, bè: Sơdàng, Bahnar, Jeh Triêng…halà ală jơi bơtiàn kòn cau oh mi ndai, bè: Tày, Thái, Mường, Dao..rài kis ndrờm kơnờm jơh lơh tàm lơh broă sa sươn sre.

Bơh bơta bơto pơlam, hòi jà, dong kờl bơh gơnoar atbồ tiah do dê bal mờ gah lơh broă sa sươn sre tiah do dê, làng bol jơh nùs ngan ngui sơntìl pa mờ đòm jat bơta jak chài pa tu\ do tàm broă lơh sa den tàng cồng nha lơh geh bơh chi tam gơguh uă ngan.

Den tàng bè hơ\, bulah nam do khà priă kă bro phan lơh geh bơta sươn sre tờm ngan bè kơphê, kau su, tiêu ndrờm gơmù mơya priă lơh geh kờp bal dùl nă cau bơh càr Kon Tum dê kung gam gơguh sơl bơh rlau 34 tơlak tus rlau 37 tơlak priă sơrlèt rlau mờ broă rơndăp lơh neh jàu. Pal chờ hờp rlau tai là tam gơl tàm bồ tơngoh kơlôi sơnơng lơh broă lơh sa bơh làng bol dê. Ồng A Xê, cau Sơdàng ơm tàm [òn Văn Tó, xã Đăk Ui, kơnhoàl Đăk Hà đơs bè do.

Tu\ do, tàm [òn hiu bơnhă lơi kung gi\t lơm đòm jat bơta jak chài măy mok pa tu\ do tàm broă lơh sa. Uă rơndeh lơ òr, rơndeh sơkam ù neh ala să kòn bơnus in. Tuh dà den ndrờm ngui jơh măy mok lơm. Ròng phan, tam phan lơi làng bol kung lòt jòi blơi sơntìl pa. Pal là sơntìl pa den tàng cồng nha lơh geh hơ\ sồng uă, làng bol [òn lơgar he hơ\ sồng hờm ram geh bè do.

Tus bal atbồ sền gàr brê dong làng bol geh priă jền sùm

Wèt tus tiah sar lơgar ngài, tiah làng bol kòn cau, nam 2018 càr Kon Tum pơn jat tai lơh mờ rề ơnàng lơh uă broă lơh nàng làng bol in geh tai priă jền. Pơnrơ bè broă lơh tam kơnuh sơnơm Ngọc Linh tềng hơđơm m[ur chi brê tàm ală xã: Tê Xăng, Măng Ri, Ngọc Lây kơnhoàl Tu Mơ Rông dê; broă lơh tam kơphê tiah mrềt, tòng kim tuyến, kơnuh sơnơm jriang, đương quy tàm ală kơnhoàl: Đăk Glei, Tu Mơ Rông mờ Kon Plông.

Bơh ală broă lơh do neh geh uă cau geh priă tơmàn bơh kơnuh sơnơm Ngọc Linh, priă tơlak bơh sơnuh sơnơm jriang halà geh priă tơlak bơh kơphê tiah mrềt là cau kòn cau.

Ồng A Hơn, Kuang atbồ UBND kơnhoàl Tu Mơ Rông, pà gi\t kơnờm bơh rề ơnàng bă ù tam uă chi lơh sơnơm, ngan là kơnuh sơnơm Ngọc Linh, nam 2018 kơnhoàl gơmù geh rlau 6% hìu r[ah jơnhoa rlau mờr bàr dơ\ pơndrờm mờ khà kờp bal bơh càr dê.

Làng bol, ngan là tàm pe xã Tê Xăng, Ngọc Lây mờ Măng Ri tam gơtùi kơnuh sơnơm Ngọc Linh, chi sơnơm kuơ do neh klàs r[ah mờ lơh pas bơh chi lơh sơnơm kơnuh sơnơm Ngọc Linh. UBND kơnhoàl Tu Mơ Rông đơng lam, gròi sền nàng ală mpồl, ală hìu tam gơ in lơh geh cồng nha nàng ală hìu bơnhă geh tơn jơh geh bơta jơgloh r[ah bơh tờm chi lơh sơnơm do.

Nàng lơh geh priă jền geh sùm ai làng bol kòn cau kis rềp kềng brê in, tus jơh nam 2018, rlau 193 rbô lồ brê neh geh càr Kon Tum jàu ai gi\t nđờ rbô hìu bơnhă làng bol, mpồl hìu bơnhă mờ [òn lơgar atbồ sền gàr.

Nam do, bơh priă tă tơm drơng broă sền gàr brê kờp bal tơl hìu làng bol geh priă jền pơgăp 7 tơlak 300 rbô đong, mpồl hìu geh pơgăp 39 tơlak priă mờ [òn lơgar, thôn geh pơgăp 115 tơlak priă.

Ồng Hồ Thanh Hoàng, Kuang atbồ Kes priă Sền gàr mờ Bơtàu tơnguh brê càr Kon Tum pà gi\t, do là priă lơh geh sùm, kuơmàng ngan nàng làng bol in tam gơl pa rài kis mờ pơgồp bơnah tơn jơh jơgloh tơrmù r[ah.

Rài kis làng bol tus bal atbồ sền gàr brê geh tam gơl loh làng ngan, kuơmàng là làng bol kis tàm brê, rềp brê, tiah sar lơgar ngài, tiah kal ke uă ir. Bơh hơ\ lơh pràn broă lơh mpồl bơtiàn lơh bal broă brê, hòi jà gal ngan ală rơnàng làng bol jơh nùs tus bal tàm broă lơh atbồ sền gàr brê. Tơrmù khà hìu r[ah, gàr tơl niam rài kis mpồl bơtiàn, lơngăp lơngai chính trị mờ rơndăp tăp sèng ờdo ờdă mpồl bơtiàn geh kơ\ kơl jăp tàm ală tiah làng bol ơm kis, ngan là tàm tiah sar lơgar ngài bơh càr dê.

 Broă tam chi lơh sơnơm tềng hơđơm m[ur chi brê ai làng bol kòn cau in lơh geh priă jền uă

Bơh broă lam lơh jat uă gùng dà broă lơh dùl ròt bal, geh cồng nha, nam 2018, rài kis bơh rlau 275 rbô nă làng bol kòn cau bơh càr Kon Tum dê neh geh bơta tam gơl uă ngan. Bơta do tơngo\ bơh broă càr lơh geh mờ sơrlèt uă broă jàu, bè: tơrmù 3,5% hìu r[ah tơrmù hìu r[ah bơh càr dê gơmù gam hơđơm 17%; tơnguh priă lơh geh kờp bal dùl nă cau bơh rlau 34 tơlak tus rlau 37 tơlak sơrlèt broă neh jàu; khà làng bol là cau kòn cau geh sră bảo hiểm y tế lơh geh khà 95%...

Do là ală cồng nha, bơnàng jă kuơmàng nàng nam pa 2019 rài kis bơh làng bol kòn cau tàm càr Kon Tum dê geh pơn jat tai sơlơ bơtàu tơnguh uă.

Cau mblàng Lơ Mu K’Yến